اننت ناگ میں نوجوان کی لاش برآمد

سرینگر//
جنوبی ضلع اننت ناگ کے وزیر باغ علاقے میں جواں سال نوجوان کی لاش پراسرا ر حالت میں برآمد کی گئی۔
اطلاعات کے مطابق جمعے کی صبح وزیر باغ اننت ناگ میں چند مقامی افراد نے لاش دیکھی اور اس بارے میں پولیس کو آگاہ کیا ۔
معلوم ہوا ہے کہ پولیس ٹیم فوری طورپر جائے موقع پر پہنچی اور لاش کو تحویل میں لے کر اُس کی شناخت۲۵سالہ ارشاد احمد علائی ولد غلام نبی علائی ساکن شاکساز محلہ کادی پورہ اننت ناگ کے بطور کی۔
پولیس نے قانونی اور طبی لوازمات پورے کرنے کے بعد میت وارثین کے حوالے کی۔
پولیس نے اس سلسلے میں کیس درج کرکے مزید تحقیقات کا آغاز کیا۔
اس دوران جنوبی کشمیر کے ضلع کولگام میں جمعے کو ایک خاتون نے مبینہ طورپر زہریلی شئے کھا کر اپنی زندگی کا چراغ گل کیا۔
ذرائع نے بتایا کہ کولگام کے دمہال ہانجی پورہ علاقے میں۴۲سالہ خاتون نے نامعلوم وجوہات کی بنا پر زہریلی شئے نوشی کی۔
معلوم ہوا ہے کہ خاتون کو فوری طورپر سب ضلع ہسپتال منتقل کیا گیا تاہم وہاں پر تعینات ڈاکٹروں نے اسے مردہ قرار دیا۔
پولیس نے قانونی اور طبی لوازمات پورے کرنے کے بعد مزید تفتیش شروع کی۔