رام بن میں عدم شناخت لاش برآمد

جموں//
سرینگر جموں شاہراہ پر کیفٹ ایریا کے نزدیک اتوار کے روز ایک عدم شناخت لاش برآمد کی گئی۔
اطلاعات کے مطابق سرینگر جموں شاہراہ پر کیفٹ ایریا کے مقام پر دریائے چناب کے کنارے ایک لاش برآمد کی گئی۔
معلوم ہوا ہے کہ پولیس اور کیو آر ٹی رام بن کے اہلکار فوری طورپر جائے وقوع پر پہنچے اور لاش کو تحویل میں لے لیا۔
پولیس ذرائع کا کہنا ہے کہ لاش کی شناخت کے حوالے سے تحقیقات شروع کی گئی ہے ۔