امریکا اوراتحادی ممالک یوکرین کو ایف 16 طیارے فراہم کریں گے

واشنگٹن///
امریکا اور اتحادی ممالک یوکرین کو ایف 16 سمیت جدید ترین جنگی طیارے دیں گے۔
امریکی قومی سلامتی کے مشیر جیک سیلیوین نےبیان میں کہا کہ صدر جوبائیڈن نے یوکرین کو ایف 16 سمیت جدید جنگی طیارے دینے کے فیصلے سے جی سیون ممالک کے سربراہان کو مطلع کردیا ہے۔ امریکی فوجی یوکرینی پائلٹس کو ایف 16 طیارے اڑنے کی تربیت بھی فراہم کریں گے۔
امریکی مشیر کا مزید کہنا تھا کہ آنے والے مہینوں میں یوکرینی پائلٹس کی تربیت کے دوران یہ فیصلہ کیا جائے گا کہ یوکرین کو طیارے کب دئیے جائیں گے۔
یوکرین کے صدر ولودیمیر زیلنسکی نے امریکا اور اتحادیوں کے فیصلے کو تاریخی اور قابل تعریف قرار دیا۔