سرینگر//
شمالی ضلع بارہ مولہ میں پولیس نے ملک مخالف سرگرمیوں کی پادائش میں تین افراد پر پبلک سیفٹی ایکٹ کے تحت مقدمہ درج کرکے انہیں کورٹ بلوال جیل منتقل کیا ۔
پولیس کے ایک ترجمان نے بتایا کہ بارہمولہ پولیس نے اندر گا پٹن کے توصیف احمد پرے عرف گاشا، غلام محمد لون عرف گلا ساکن لچی پورہ اوڑی اور شہزاد احمد ملک عرف شاد پونز ساکن سنگھ پورہ پٹن کے خلاف ملک مخالف سرگرمیوں میں ملوث ہونے کی وجہ سے پبلک سیفٹی ایکٹ کے تحت مقدمہ درج کیا گیا ۔
ترجمان نے کہاکہ مجاز اتھارٹی کی جانب سے حکم نامہ موصول ہونے کے بعد تینوں کی گرفتاری عمل میں لا کر کورٹ بلوال جیل جموں منتقل کردیا گیا ہے ۔
پولیس نے بتایا کہ گرفتار شدگان کے خلاف پہلے ہی کئی مقدمات درج ہیں لیکن اس کے باوجود بھی وہ باز نہیں آئے ۔