سرینگر/۹مئی
کشمیر میں کئی دنوں کے برف و باراں کے بعد موسم میں بتدریج بہتری واقع ہو رہی ہے ۔
محکمہ موسمیات کے ایک ترجمان کے مطابق وادی میں اگلے چوبیس گھنٹوں کے دوران موسم مجموعی طور پر خشک رہنے کا امکان ہے تاہم اس دوران بعد از دوپہر بعض جگہوں پر ہلکی بارشوں کا بھی امکان ہے ۔
ترجمان نے کہا کہ وادی میں 10 سے 12 مئی تک موسم مجموعی طور پر خشک رہے گا اور اس دوران دن کے درجہ حرارت میں بھی اضافہ متوقع ہے ۔
ان کا کہنا تھا کہ بعد ازاں وادی میں 13 سے 15 مئی تک بھی موسم مجموعی طور پر خشک رہنے کا ہی امکان ہے تاہم اس دوران کہیں کہیں ہلکی بارشوں کو خارج از امکان قرار نہیں دیا جا سکتا ہے ۔
محکمے نے باغ مالکوں سے 10 مئی تک باغوں کی دوا پاشی کرنے سے اجتناب کرنے کی تاکید کی ہے ۔
ادھر وادی میں ناساز گار موسمی صورتحال کے بیچ شبانہ درجہ حرارت معمول سے نیچے درج ہو رہا ہے ۔
دارلحکومت سری نگر میں کم سے کم درجہ حرارت 6.3 ڈگری سینٹی گریڈ ریکارڈ کیا گیا جو معمول سے 4.4 ڈگری سینٹی گریڈ کم ریکارڈ ہوا تھا۔
سیاحتی مقام گلمرگ میں کم سے کم درجہ حرارت منفی 0.5 ڈگری سنٹی گریڈ ریکارڈ کیا گیا جو معمول سے 5.7 ڈگری سینٹی گریڈ کم ریکارڈ ہوا تھا۔
ایک اور سیاحتی مقام پہلگام میں کم سے کم درجہ حرارت 1.8 ڈگری سینٹی گریڈ ریکارڈ کیا گیا جو معمول سے 3.7 ڈگری سینٹی گریڈ کم ریکارڈ ہوا تھا۔
شمالی ضلع کپوارہ میں کم سے کم درجہ حرارت 4.7 ڈگری سینٹی گریڈ ریکارڈ کیا گیا جو معمول سے 4.6 ڈگری سینٹی گریڈ کم ریکارڈ ہوا تھا۔
قصبہ قاضی گنڈ میں کم سے کم درجہ حرارت 5.8 ڈگری سینٹی گریڈ ریکارڈ کیا گیا جو معمول سے 3.4 ڈگری سینٹی گریڈ ریکارڈ ہوا تھا۔
لداخ یونین ٹریٹری کے ضلع لیہہ میں کم سے کم درجہ حرارت1.6 ڈگری سینٹی گریڈ ری
کارڈ ہوا ہے ۔