جموں وکشمیر میں فلم ٹورزم کو بڑے پیمانے پر فروغ دیا جائے گا: سکریٹری سیاحت

سرینگر//
محکمہ سیاحت کے سکریٹری‘ سید عابد رشید کا کہنا ہے کہ جموں کشمیر میں فلم ٹورزم کو بڑے پیمانے پر فروغ دا دیا جا جا رہا ہے ۔
رشید نے کہا کہ جموںکشمیر میں منعقد ہونے والا جی ٹونٹی اجلاس بہت ہی بڑا بین الاقوامی سطح کا ایونٹ ہے اور یہ یونین ٹریٹری کیلئے اپنی خوبصورتی کو ظاہر کرنے کا بہترین موقع ہوگا۔
ان کا کہنا تھا کہ جموں کشمیر کے کئی سیاحتی مقامات یورپ کے سیاحتی مقامات سے بہتر ہیں۔
سیکریٹری نے ان باتوں کا اظہار کا ہفتے کو ایک تقریب کے حاشیہ پر نامہ نگاروں کے ساتھ بات کرنے کے دوران کیا۔
رشید نے کہا’’سال گذشتہ جموں و کشمیر میں دو سو سے زیادہ فلموں کی شوٹنگ کی گئی امسال فلم ٹورزم کو فروغ دینے پر زیادہ توجہ مرکوز کی جائے گی جس کیلئے ہم نے فلم سازوں اور ہدایت کاروں تین سو مقامات رکھے ہیں جہاں وہ فلموں کی شوٹنگ کرسکتے ہیں‘‘۔
ان کا کہنا تھا کہ امسال فلم ٹورزم کو بڑے پیمانے پر فروغ دیا جائے گا تاکہ ان مقامات کو بھی سامنے لایا جائے جو ابھی منظر عام پر نہیں آئے ہیں۔
سیکریٹری نے کہا کہ جموں وکشمیر میں کئی ایسے سیاحتی مقامات ہیں جو یورپ کے سیاحتی مقامات سے بہتر ہیں۔انہوں نے کہا کہ حال ہی میں ایک بڑے پروڈکشن ہائوس نے کشمیر میں ایک فلم کی شوٹنگ کی۔
جی ٹونٹی اجلاس کے بارے میں پوچھے جانے والے ایک سوال کے جواب میں ان کا کہنا تھا کہ جموں وکشمیر میں منعقد ہونے والا جی ٹونٹی ورکنگ گروپ کا اجلاس بین الاقوامی سطح کا ایک ایونٹ ہے ۔
رشید نے کہا کہ یہ جموں وکشمیر کیلئے اپنی خوبصورتی کو دکھانے کا ایک بہترین موقع ہے ۔انہوں نے کہا کہ اس اجلاس سے بھی جموں وکشمیر میں فلم ٹورزم کو فروغ ملے گا۔