سرینگر///
وادی کشمیر میں خشک و خوشگوار موسم کے بیچ شبانہ درجہ حرارت معمول سے نیچے درج ہوا ہے ۔
محکمہ موسمیات کے مطابق وادی میں۲۵؍اپریل تک موسم خشک رہنے کا امکان ہے ۔انہوں نے کہا کہ اس کے بعد وادی میں۲۶سے۲۸؍اپریل تک موسم ابر آلود رہ سکتا ہے اور اس دوران میدانی علاقوں میں رک رک کر بارشیں جبکہ بالائی علاقوں میں دوران شب برف باری ہوسکتی ہے ۔ ان کا کہنا تھا کہ ان دنوں کے دوران تیز ہوائیں چل سکتی ہے اور ژالہ باری ہونے کا بھی امکان ہے ۔
ادھر وادی میں گرچہ موسم خشک و خوشگوار ہے تاہم شبانہ درجہ حرارت معمول سے کم درج ہوا ہے ۔
دارلحکومت سری نگر میں کم سے کم درجہ حرارت۱ء۵ڈگری سینٹی گریڈ ریکارڈ کیا گیا جو معمول سے۸ء۳ڈگری سینٹی گریڈ کم ریکارڈ ہوا تھا۔
سیاحتی مقام گلمرگ میں کم سے کم درجہ حرارت۲ء۳ڈگری سینٹی گریڈ ریکارڈ کیا گیا جو معمول سے۰ء۱ڈگری سینٹی گریڈ کم ریکارڈ ہوا تھا۔
سیاحتی مقام پہلگام میں کم سے کم درجہ حرارت۵ء۰ڈگری سینٹی گریڈ ریکارڈ کیا گیا جو معمول سے۵ء۳ڈگری سینٹی گریڈ کم ریکارڈ ہوا تھا۔
شمالی ضلع کپوارہ میں کم سے کم درجہ حرارت۷ء۳ ڈگری سینٹی گریڈ ریکارڈ کیا گیا جو معمول سے۹ء۳ڈگری سینٹی گریڈ کم ریکارڈ ہوا تھا۔
مشہور قصبہ قاضی گنڈ میں کم سے کم درجہ حرارت۶ء۳ڈگری سینٹی گریڈ ریکارڈ کیا گیا جو معمول سے ۹ء۳ڈگری سینٹی گریڈ کم ریکارڈ ہوا تھا۔
لداخ یونین ٹریٹری کے ضلع لیہہ میں کم سے کم درجہ حرارت منفی۴ء۰ڈگری سینٹی گریڈ جبکہ ضلع کرگل میں کم سے کم درجہ حرارت۶ء۱ڈگری سینٹی گریڈ ریکارڈ ہوا ہے ۔