تقریر کے دوران بائیڈن کے کوٹ پر پرندے کی گندگی آگِری

واشنگٹن/۱۳؍اپریل
امریکی صدر جو بائیڈن کی تقریر کے دوران پرندے نے اپنی گندگی سے اُن کے کپڑے خراب کردیے۔گزشتہ روز امریکی صدر جو بائیڈن کو اس وقت ایک ناپسندیدہ حیرت کا سامنا کرنا پڑا جب ان کے سوٹ کو ایک پرندے نے اپنی گندگی سے خراب کردیا۔
سوشل میڈیا پر وائرل ہونے والی ایک ویڈیو کے مطابق، جو بائیڈن گیس کی قیمتوں میں کٹوتی کے منصوبوں کی نقاب کشائی کر رہے تھے کہ جب ایک سفید مادہ ان کے کوٹ پر گِرا۔
بعدازاں وائٹ ہاؤس کے ایک اہلکار نے واضح کیا کہ یہ درحقیقت پرندے کی گندگی نہیں تھی تاہم، ٹوئٹر کے صارفین نے پھر بھی اس کلپ کو پرندے کی گندگی گرنے کا کہہ کر مذاق کے لیے استعمال کیا۔