ہمارا اگلا ہدف ورلڈ کپ ہے، راشد خان

شارجہ//
افغان کرکٹ ٹیم کے کپتان اور اسپنر راشد خان نے کہا ہے کہ پاکستان کے خلاف سیریز بہت خاص تھی، ٹیم کی قیادت کرنا بھی بہت خاص ہے۔
پاکستان کے خلاف میچ میں شکست کے بعد پریس کانفرنس کرتے ہوئے انہوں نے کہا کہ سیریز میں دباؤ پر قابو کرنا اہم تھا۔
راشد خان کا کہنا تھا کہ ہدف کا تعاقب کرنا تھوڑا مشکل تھا مگر ہمارے بیٹرز نے کوشش کی، 183رنز کے تعاقب میں ہمارا آغاز اچھا نہ ہوا۔
کپتان افغان کرکٹ ٹیم نے مزید کہا کہ ہمارا اگلا ہدف ورلڈ کپ ہے۔
راشد خان کا کہنا تھا کہ سیریز میں نوجوان کھلاڑیوں کو بہت کچھ سیکھنے کا موقع ملا۔