بجبہاڑہ میں سڑک حادثے میں خاتون سیاح از جان، چار دیگر زخمی

سرینگر//
جنوبی ضلع اننت ناگ کے بجبہاڑہ علاقے میں ٹرک اور گاڑی کے درمیان آپسی ٹکر کے نتیجے میں خاتون سیاح از جان جبکہ چار دیگر زخمی ہوئے ۔
سرکاری ذرائع نے بتایا کہ منگل کے روز بجبہاڑہ پل کے نزدیک ٹرک اور گاڑی کے درمیان ٹکر ہوئی جس وجہ سے پانچ سیاح شدید طورپر زخمی ہوئے ۔
ذرائع نے بتایا کہ آس پاس موجود لوگوں نے زخمیوں کو طبی امداد کی خاطر نزدیکی ہسپتال منتقل کیا تاہم ڈاکٹروں نے خاتون کو مردہ قرار دیا۔
متوفی کی شناخت کورنا سردار زوجہ دیال سردار ساکن کلکتہ کے بطور ہوئی ہے ۔زخمیوں کی پہچان راکیش ولد رتن لال ساکن ادھم پور ، نندتا وید اور بہنو لال کے بطور کی گئی ہے ۔
پولیس نے حادثے کی وجوہات جاننے کی خاطر کیس درج کرکے مزید تحقیقات شروع کی۔
۔۔۔۔۔۔۔۔۔۔