سرینگر اور پہلگام میں شبانہ درجہ حرارت میں گراوٹ

سرینگر//
وادی کشمیر میں خشک موسم کے بیچ سرینگر اور پہلگام میں شبانہ درجہ حرارت معمول سے نیچے درج ہوا ہے ۔
محکمہ موسمیات کے مطابق وادی میں اگلے چوبیس گھنٹوں کے دوران موسم مجموعی طور پر خشک رہنے کا امکان ہے ۔
متعلقہ محکمے کے ایک ترجمان نے کہا کہ۲۴؍اور۲۵فروری تک موسم خشک مگر ابر آلود رہ سکتا ہے ۔ان کا کہنا تھا کہ ۲۶فروری کو موسم عام طور پر ابر آلود رہ سکتا ہے اور اس دوران کہیں کہیں ہلکی بارش یا برف باری ہوسکتی ہے ۔
ترجمان نے کہا کہ بعد ازاں۲۷؍اور۲۸فروری کو موسم جزوی طور پر ابر آلود رہ سکتا ہے ۔
دارلحکومت سرینگر میں کم سے کم درجہ حرارت۶ء۰ڈگری سینٹی گریڈ ریکارڈ کیا گیا جو معمول سے۳ء۰ڈگری سینٹی گریڈ کم ریکارڈ ہوا تھا۔
سیاحتی مقام گلمرگ میں کم سے کم درجہ حرارت منفی۸ء۳ڈگری سینٹی گریڈ ریکارڈ کیا گیا جو معمول سے۹ء۲ڈگری سینٹی گریڈ زیادہ ریکارڈ ہوا تھا۔
ایک اور سیاحتی مقام پہلگام میں کم سے کم درجہ حرارت منفی۴ء۴ڈگری سینٹی گریڈ ریکارڈ کیا گیا جو معمول سے۴ء۰ڈگری سینٹی گریڈ کم ریکارڈ ہوا تھا۔
شمالی ضلع کپوارہ میں کم سے کم درجہ حرارت ۳ء۰ڈگری سینٹی گریڈ ریکارڈ کیا گیا جو معمول سے۶ء۰ڈگری سینٹی گریڈ زیادہ ریکارڈ ہوا تھا۔
گیٹ وے آف کشمیر کے نام سے مشہور قصبہ قاضی گنڈ میں کم سے کم درجہ حرارت۰ء۰ڈگری سینٹی گریڈ ریکارڈ کیا گیا جو معمول سے۱ء۰ڈگری سینٹی گریڈ زیادہ ریکارڈ ہوا تھا۔
لداخ یونین ٹریٹڑی کے ضلع کرگل میں کم سے کم درجہ حرارت منفی۶ء۱۲ڈگری سینٹی گریڈ ریکارڈ کیا گیا جبکہ ضلع لیہہ میں کم سے کم درجہ حرارت منفی۶ء۹ڈگری سینٹی گریڈ ریکارڈ ہوا ہے ۔
دریں اثان وادی میں جمعرات کو صبح سے ہی موسم خشک رہا اور دھوپ بھی چھائی رہی جس سے لوگ مختلف مقامات پر بیٹھ کر لطف اندوز ہو رہے تھے ۔
موسم میں بہتری واقع ہونے کے ساتھ ہی کسان بھی کھیت کھلیانوں اور باغوں میں نظر آنے لگے ہیں۔