سری نگر/ 18 فروری
حکام نے آج کہاکہ قومی تحقیقاتی ایجنسی (این آئی اے) نے جموں و کشمیر میں دہشت گردانہ سرگرمیوں کے لیے استعمال ہونے والی تین گاڑیوں کو ضبط کیا ہے۔
مرکزی تفتیشی ایجنسی کے ترجمان نے کہا کہ گاڑیوں کو 15 فروری کو UA (P) ایکٹ کی دفعہ 25(1) کے تحت ضبط کیا گیا تھا۔”دیویندر سنگھ ڈی ایس پی جموں کشمیر پولیس سے اسلحہ اور گولہ بارود کی بازیابی اور ضبط کرنے کے معاملے میں دہشت گردی کی کارروائی کے طور پر“۔
انہوں نے کہا کہ ان گاڑیوں کو ملزمین وادی کشمیر میں دہشت گردی کی سرگرمیوں کو بڑھانے کے لیے استعمال کرتے تھے۔
پولیس ترجمان نے ایک تحریری بیان میں کہا ”یہ مقدمہ 04 ملزمین کی گرفتاری سے متعلق ہے، جن میں حزب المجاہدین (HM) کے دو سرگرم دہشت گرد بھی شامل ہیں، جو ایک ہنڈائی i20 کار کے رجسٹریشن نمبر JK-03H-1738پر دہشت گردانہ کارروائیوں کے لیے جموں و کشمیر کے UT سے باہر جا رہے تھے۔“
”معلومات کی بنیاد پر، اس کار کو 11.01.2020 کو سری نگر-جموں ہائی وے پر، میر بازار پولیس چوکی، ضلع کولگام (جے اینڈ کے) کے قریب ال سٹاپ ناکہ پر روکا گیا۔ تلاشی کے دوران ایک اے کے 47 رائفل، 03 پستول، 01 ہینڈ گرنیڈ، گولہ بارود اور دیگر مجرمانہ مواد برآمد کرکے ضبط کیا گیا۔ یہ کیس ابتدائی طور پر پولیس تھانہ قاضی گنڈ، ضلع کولگام میں 11.01.2020 کو درج کیا گیا تھا اور NIA نے 17.01.2020 کو دوبارہ رجسٹر کیا تھا۔
پولیس بیان میں کہا گیا”تحقیقات سے یہ بات سامنے آئی ہے کہ ہنڈائی i20 ملزم عرفان شفیع میر کی ملکیت ہے اور ملزم کے زیر استعمال ہے، Maruti 800 مشتاق احمد شاہ کے نام پر رجسٹرڈ ہے اور اس کے بیٹے ملزم سید نوید مشتاق احمد شاہ کے زیر استعمال ہے، اور Hyundai i20 Sportz رجسٹرڈ اور تنویر احمد وانی ولد غلام احمد وانی ساکنہ ہمہامہ، سری نگر (جے اینڈ کے) کے زیر استعمال ہے‘ کو وادی کشمیر میں دہشت گردانہ سرگرمیوں کے لیے استعمال کیا جاتا تھا۔
ترجمان نے کہا کہ کیس کی مزید تحقیقات جاری ہے۔