جموں/17فروری
جموںکشمیر کے سرمائی دارلخلافہ جموں کے ریہاری کالونی میں میونسپل کارپوریشن کی ٹیم نے غیر قانونی تجاوزات پر بلڈزور چلائے ۔
اطلاعات کے مطابق جمعے کی صبح ریہاری کالونی جموں میں اچانک پولیس کی تعیناتی عمل میں لا کر میونسپل کارپوریشن کے اہلکاروں نے شاہراوں پر قبضہ کرنے والوں کے خلاف کارروائی عمل میں لائی۔
معلوم ہوا ہے کہ ریہاری کالونی جموں کو خوبصورت بنانے کی خاطر مقامی لوگوں نے رہائشی مکانوں کے باہر پیڑ پودے لگائے ہیں۔
میونسپل کارپوریشن جموں کے مطابق کالونی میں لگ بھگ سبھی لوگوں نے رہائشی مکانوں کے باہر تعمیرات کھڑی کی ہیں جنہیں جمعے کی صبح ہٹایا گیا۔
نامہ نگار نے بتایا کہ مقامی لوگوں اور پولیس کے درمیان ہاتھا پائی اور تلخ کلامی کے مناظر بھی دیکھنے کو ملے تاہم میونسپل کارپوریشن کے اہلکاروں نے غیر قانونی تجاوزات کو منہدم کیا ۔
مقامی لوگوں نے بتایا کہ ایک طرف جموں شہر کو سماٹ سٹی بنانے کی باتیں ہو رہی ہیں اور دوسری جانب لوگوں نے جو چھوٹے چھوٹے باغات رہائشی مکانوں کے باہر بنائے تھے اُنہیں تہس نہس کیا گیا ۔
انہوں نے الزام لگایا کہ میونسپل کارپوریشن جموں کی جانب سے لوگوں کو کوئی نوٹس نہیں دی گئی تھی بلکہ جمعے کی صبح میونسپل کارپوریشن جموں کے آفیسران پولیس کے ہمراہ کالونی میں داخل ہوئے اور اندھا دھند طریقے سے تجاوزات کو صاف کیا جو حیران کن ہے ۔
