بابر اعظم کے خلاف بولنگ کرنے کےلیے پرجوش ہوں، بین کٹنگ

پاکستان سپر لیگ (پی ایس ایل) فرنچائز کراچی کنگز کے آسٹریلوی آل راؤنڈر بین کٹنگ نے کہا ہے کہ بابر اعظم کے خلاف بولنگ کرنے کے لیے پرجوش ہوں۔
جیو نیوز سے گفتگو کرتے ہوئے بین کٹنگ نے کہا کہ پی ایس ایل سے ہمارا گہرا تعلق ہے، یہ دوسری لیگز سے کافی مختلف ہے۔
انہوں نے کہا کہ پی ایس ایل میں ہر بولر 140 کلو میٹر کی رفتار سے بولنگ کراتا ہے، کراچی کنگز میں بابر اعظم کی کمی محسوس ہوگی۔
بین کٹنگ نے مزید کہا کہ پی ایس ایل میں اسپنر اور بہترین بیٹرز ہیں، میں بابر اعظم کے خلاف بولنگ کرنے کےلیے پرجوش ہوں۔