سرینگر میں یکم جنوری سے۸فروری تک معمول سے کم بارش ریکارڈ:ماہر موسمیات

سرینگر/۹فروری
محکمہ موسمیات کے مطابق جموں وکشمیر میں گرچہ یکم جنوری سے۸فروری تک مجموعی طور پر معمول کے مطابق بارش ریکارڈ ہوئی ہے تاہم سرینگر سمیت کم سے کم 6 اضلاع میں اس وقفے کے دوران معمول سے کم بارش ریکارڈ ہوئی ہے ۔
وادی کے معروف ماہر موسمیات عارف فیضان نے یو این آئی کو بتایا کہ سری نگر میں یکم جنوری سے 8 تک 91.0 ملی میٹر بارش ریکارڈ ہوئی ہے جو معمول سے 20 فیصدی کم ہے ۔
انہوں نے کہا کہ سری نگر میں اس وقفے کے دوران 113.5 ملی میٹر بارش ریکارڈ ہونی چاہئے تھی۔
سرکاری اعداد شمار کے مطابق جموں وکشمر میں یکم جنوری سے 8 فروری تک 143.5 ملی میٹر بارش ریکارڈ ہوئی ہے جو معمول سے 14 فیصد زیادہ ہے ۔
جموں و کشمیر میں اس وقفے کے دوران معمول کے مطابق 125.5 ملی میٹر بارش ریکارڈ ہونی چاہئے تھی۔
وسطی ضلع بڈگام میں یکم جنوری سے 8 فروری تک 53.7 ملی میٹر بارش ریکارڈ ہوئی ہے جبکہ معمول کے مطابق اس وقفے کے دوران 88.6 ملی میٹر بارش ریکارڈ ہونی چاہئے تھی۔
شمالی کشمیر کے ضلع بانڈی پورہ میں اس وقفے کے دوران 54.8 ملی میٹر بارش ریکارڈ ہوئی ہے جو معمول سے 43 فیصد کم ہے ۔
جنوبی کشمیر کے ضلع شوپیاں میں یکم جنوری سے 8 فروری تک 37.8 ملی میٹر بارش ریکارڈ ہوئی ہے جو معمول سے 38 فیصد کم ہے ضلع میں اس وقفے کے دوران 60.9 ملی میٹر بارش ریکارڈ ہونی چاہئے تھی۔
جموں اور کٹھوعہ اضلاع میں یکم جنوری سے 8 فروری تک بالترتیب 41 اور38 فیصد معمول سے کم بارش ریکارڈ ہوئی ہے ۔
سرکاری اعداد و شمار کے مطابق جموں و کشمیر کے گاندربل، کشتواڑ، سانبہ، کپوارہ، ریاسی اور اودھم پور میں اس وقفے کے دوران معمول کے مطابق بارش ریکارڈ ہوئی ہے ۔