سرینگر/۸فروری
پولیس نے وادی کشمیر کے دو الگ الگ اضلاع میں دو خواتین سمیت پانچ منشیات فروشوں کو گرفتار کرکے ان کی تحویل سے نشہ آور مواد بر آمد کرنے کا دعویٰ کیا ہے ۔
ایک پولیس ترجمان نے اپنے ایک بیان میں تفصیلات فراہم کرتے ہوئے کہا کہ پلوامہ پولیس نے ایک ناکے پر ایک خاتون سمیت چار منشیات فروشوں کو گرفتار کرکے ان کی تحویل سے 5 گرام برا¶ن شوگر اور 350 گرام چرس بر آمد کیا۔
ترجمان نے کہا کہ پولیس نے لتر علاقے میں گورنمنٹ ہائر سکنڈری اسکول کے نزدیک ایک ناکے کے دوران لتر سے نائینہ کی طرف جا رہے ایک آٹو لوڈ کیرئر کو رکنے کا اشارہ کیا۔
ان کا کہنا تھا کہ پولیس کو دیکھتے ہی ڈرائیور نے جائے موقع سے فرار ہونے کی کوشش کی تاہم پولیس پارٹی نے اس کو اور آٹو میں سوار تمام افراد کو دھر لیا۔
بیان میں کہا گیا کہ تلاشی کے دوران ان افراد کی تحویل سے 5 گرام برا¶ن شوگر اور350 گرام چرس بر آمد کیا گیا۔بیان کے مطابق ان تمام ملزموں کو گرفتار کیا گیا اور آٹو کو ضبط کیا گیا۔
گرفتار شدگان کی شناخت توصیف مشتاق ولد مشتاق احمد گنائی ساکن چھوٹی پورہ پلوامہ، جنید احمد ملک ولد غلام احمد ملک ساکن رنگ مولہ پلوامہ، طاہر احمد جو ولد نذیر احمد جو ساکن کھنموہ اور ثریا جیلانی دختر غلام جیلانی شاہ ساکن باغات برزلہ حال راول پورہ سری نگر کے بطور ہوئی ہے ۔
پولیس نے اس ضمن میں پولیس اسٹیشن لتر میں ایک کیس درج کرکے تحقیقات شروع کی ہیں۔
منشیات کے خلاف مہم کو جاری رکھتے ہوئے پولیس نے شمالی کشمیر کے قصبہ اوڑی میں ایک خاتون منشیات فروش کو گرفتار کرکے اس کی تحویل سے 10 گرام بروا¶ن شوگر جیسا نشہ آور مواد بر آمد کیا۔
ایک پولیس ترجمان نے اپنے ایک بیان میں کہا کہ پولیس نے ایس ڈی پی او اوڑی شوکت علی کی سربراہی میں ایک خاتون منشیات فروش کو گرفتار کیا۔انہوں نے کہا کہ مذکورہ خاتون علاقے میں نوجوانوں کو نشہ آور مواد فراہم کرنے میں ملوث تھی۔
بیان میں کہا گیا کہ تلاشی کے دوران گرفتار شدہ خاتون کی تحویل سے 10 گرام برا¶ن شوگر جیسا نشہ آور مواد بر آمد کیا گیا۔
خاتون کی شناخت روبینہ بیگم زوجہ جہانگیر احمد ساکن چندن واڑی اوڑی کے بطور ہوئی ہے ۔پولیس نے اس ضمن میں پولیس اسٹیشن بونیار میں ایک کیس درج کرکے تحقیقات شروع کی ہیں۔