جموں//
سیکورٹی فورسز نے جموں کشمیر کے ضلع پونچھ کے کلسیاں نامی سرحدی گاؤں میں ایک مارٹر شیل کو بر آمد کرکے ناکارہ بنا دیا۔
ذرائع نے بتایا کہ پونچھ میں لائن آف کنٹرول کے نزدیک واقع کلیساں گاؤں میں بدھ کی شام مقامی لوگوں نے ایک کھیت میں ایک مارٹر شیل کو دیکھا اور اس کے متعلق سیکورٹی فورسز کو مطلع کیا۔
ذرائع نے کہا کہ اطلاع موصول ہونے کے بعد سیکورٹی فورسز نے اس۱۲۰؍ایم ایم مارٹر شیل کو بر آمد کرکے اس کو ناکارہ بنا دیا۔
حکام کا کہنا ہے کہ یہ پاکستان کی طرف دو برس قبل سرحد پار گولہ باری کے دوران فائر کیا جانے والا شیل تھا۔