آگ کی دو الگ الگ واردات میں ہوٹل‘ دو رہائشی مکان خاکستر

سرینگر///
وادی کشمیر میں ہفتے کی صبح آگ کی دو الگ الگ وارداتوں میں ایک ہوٹل اور دو رہائشی مکان خاکستر ہوگئے ۔
ذرائع نے بتایا کہ شمالی کشمیر کے اولڈ ٹاؤن بارہمولہ کے جلال صاحب علاقے میں ہفتے کی صبح ایک دومنزلہ رہائشی مکان سے آگ نمودار ہوئی۔انہوں نے کہا کہ اطلاع موصول ہوتے ہی فائر ٹنڈرس آگ بھجانے کے لئے جائے واردات پر پہنچ گئے ۔
ذرائع کا کہنا تھا کہ تاہم آگ کی اس واردات میں دو رہائشی مکانوں (ایک دو منزلہ اور ایک یک منزلہ) کو نقصان پہنچا۔آگ لگنے کے وجوہات معلوم کئے جا رہے ہیں۔
دریں اثنا وسطی کشمیر کے ضلع گاندربل کے کولن علاقے میں ہفتے کی صبح آگ کی ایک واردات میں ایک ہوٹل کو نقصان پہنچا۔
سرکاری ذرائع نے بتایا کہ گاندربل کے کلن علاقے میں ہفتے کی صبح ہمالین ریزورٹ ہوٹل میں آگ نمودار ہوئی۔انہوں نے کہا کہ واقعہ پیش آتے ہی فائر ٹنڈرس جائے واردات پر پہنچے اور آگ کو کنٹرول میں کر دیا تاہم ہوٹل کو جزوی نقصان پہنچنے سے نہ بچا سکے ۔
پولیس نے اس ضمن میں ایک کیس درج کرکے کارروائیاں شروع کی ہیں۔انہوں نے کہا کہ آگ لگنے کی وجوہات معلوم کی جا رہی ہیں۔