ممبئی//ہندوستان کے تیز گیند باز جسپریت بمراہ کو سری لنکا کے خلاف ہونے والی ون ڈے سیر یز کے لئے ٹیم میں شامل کر لیا گیا ہے۔
ہندوستانی کرکٹ کنٹرول بورڈ(بی سی سی آئی) کے سکریٹری جے شاہ نے منگل کو ہ اطلاع دیتے ہوئے بتایا کہ ریہیب کے بعدقومی کرکٹ اکیڈمی (این سی اے)نے بمراہ کو کھیلنے کے لئے فٹ اعلان کر دیاہے۔
غور طلب ہے کہ بمراہ پیٹھ کی چوٹ کی وجہ سے ستمبر 2022سے کرکٹ سے دور تھے۔ اس وجہ سے وہ ایشیا کپ 2022کے بعد آئی سی سی ٹی 20ورلڈ کپ میں بھی نہیں کھیل سکے اور این سی اے میں ریہیب سے گزر رہے تھے۔
ہندوستان اور سری لنکا کے درمیان ہونے والی تین میچوں کی ون ڈے سیریز کا پہلا میچ 10جنوری کو گواہاٹی میں کھیلا جائے گا۔ اس کے بعد ہونے والے دو میچ کولکتہ (12جنوری)اور ترواننت پورم میں منعقد ہوں گے۔
سری لنکا ون ڈے سیریز کے لئے ہندوستانی ٹیم: روہت شرما(کپتان)، شبھمن گل، ویراٹ کوہلی، سوریہ کمار یادو، شریس ایر، کے ایل راہل(وکٹ کیپر)، ایشان کشن (وکٹ کیپر)، ہارک پنڈیا(نائب کپتان)، واشنگٹن سندر، یجویندر چہل، کلدیپ یادو، اکشر پٹیل، جسپریت بمراہ، محمد شمی، محمد سراج،عمران ملک، ارشدیپ سنگھ۔
