فلسطینی علاقوں پراسرائیلی قبضے کیخلاف قرارداد اکثریت سے منظور

نیویارک///
< > اقوام متحدہ کی جنرل اسمبلی میں فلسطینی علاقوں پر اسرائیلی قبضے کیخلاف قرادر اکثریتی ووٹوں سے منظورہوگئی۔
عرب میڈیا کے مطابق اسرائیل کے قبضے کیخلاف قرارداد کے حق میں 87 جبکہ مخالفت میں 26 ووٹ ڈالے گئے جبکہ 53 ممالک نے ووٹنگ میں حصہ نہیں لیا۔
اقوام متحدہ کی جنرل اسمبلی میں منظورکی گئی قرارداد میں عالمی عدالت انصاف سے فلسطینی علاقوں پراسرائیلی قبضے، آبادکاری اورحملوں سے فلسطینی عوام کے حق خودارادیت کی خلاف ورزی پر قانونی نتائج کےبارے میں رائے دینے کی بھی درخواست کی گئی۔
پاکستان ، متحدہ عرب امارات ، روس ،چین اور دیگرمسلمان ممالک نے قرارداد کے حق میں جبکہ اسرائیل، امریکا، برطانیہ اور دیگریورپی ممالک نے قرارداد کی مخالفت میں ووٹ دیا۔ بھارت، فرانس اور جاپان نے ووٹنگ میں حصہ نہیں لیا۔ اسرائیل نے 1967 میں عرب اسرائیل جنگ کے دوران مقبوضہ بیت المقدس پر قبضہ کیا تھا۔