ملک میں گزشتہ 24 گھنٹے کے دوران کورونا کے فعال معاملوں میں اضافہ

نئی دہلی// ملک میں گزشتہ 24 گھنٹے میں کورونا کے فعال معاملوں میں اضافہ ہوا ہے جس کی وجہ سے اب ان کی تعداد بڑھ کر 3,397 ہو گئی ہے اور ایکٹیو کیسز کی شرح 0.1 فیصد ہے ۔
صحت اور خاندانی بہبود کی مرکزی وزارت نے ہفتہ کو کہا کہ صبح 7 بجے تک 220.04 کروڑ سے زیادہ ٹیکے لگائے گئے ہیں۔
وزارت نے کہا کہ ملک میں گزشتہ 24 گھنٹوں کے دوران 183 افراد نے کورونا وائرس سے نجات حاصل کی جس کے باعث اس وبا سے صحت یاب ہونے والوں کی کل تعداد 4,41,42,791 ہو گئی ہے اور صحت یابی کی شرح ملک 98.80 فیصد ہے ۔جبکہ کورونا وائرس کے انفیکشن سے کسی مریض کی موت نہ ہونے کی وجہ سے اموات کی تعداد 5,30,691 پر برقرار ہے اور شرح اموات 1.19 فیصد ہے ۔
ملک میں گزشتہ 24 گھنٹوں میں دس ریاستوں اور تین مرکز کے زیر انتظام علاقوں میں کورونا کے نئے کیسز سامنے آئے ہیں اور دیگر ریاستوں اور مرکز کے زیر انتظام علاقوں میں ان کی تعداد کم ہوئی ہے ۔ مرکز کے زیر انتظام علاقوں جموں و کشمیر، پنجاب، تلنگانہ اور دیگر ریاستوں میں فعال کیسز میں اضافہ ہوا ہے ۔
قومی راجدھانی میں گزشتہ 24 گھنٹوں میں کورونا کے فعال معاملے میں اضافہ ہوا ہے ، جس کی وجہ سے اب ایکٹیو کیسز کی تعداد 33 ہو گئی ہے اور اس بیماری سے چھٹکارا پانے والوں کی تعداد بڑھ کر 19,80,571 ہو گئی ہے ۔ مرنے والوں کی تعداد 26,521 ہے ۔
کیرالہ میں پانچ فعال کیسوں کی کمی کے ساتھ، فعال کیسوں کی تعداد کم ہو کر 1,413 ہوگئی ہے ۔ کورونا وبا سے صحت یاب ہونے والوں کی تعداد بڑھ کر 67,54,966 ہو گئی ہے اور مرنے والوں کی تعداد 71,547 پر مستحکم ہے ۔
کرناٹک میں کورونا انفیکشن کے 23 فعال معاملات میں کمی کے ساتھ ان کی کل تعداد 1,238 پر آ گئی ہے ۔ اس سے چھٹکارا پانے والوں کی کل تعداد بڑھ کر 40,30,215 ہوگئی ہے اور مرنے والوں کی تعداد 40,307 ہے ۔
راجستھان میں 18 ایکٹو کیسز کے اضافے کے ساتھ ان کی کل تعداد 76 ہو گئی ہے ۔ اس عرصے کے دوران پانچ افراد کے صحت یاب ہونے کے بعد اس سے نجات پانے والوں کی کل تعداد 13,05,684 ہوگئی ہے ۔ ریاست میں مرنے والوں کی تعداد 9,653 تک پہنچ گئی ہے ۔