انتظامی کونسل کی راجوری سے بابا غلام شاہ بادشاہ یونیورسٹی تک ڈبل کیریج وے روڑ کو منظور ی

جموں//
اِنتظامی کونسل کی میٹنگ آج یہاں لیفٹیننٹ گورنر منوج سِنہا کی صدارت میں منعقد ہوئی جس میں ضلع صدر مقام راجوری سے بابا غلام شاہ بادشاہ یونیورسٹی( بی جی ایس بی یو) تک ۸کلومیٹر سڑک کو اَپ گریڈ کرنے کی تجویز کو منظوری دی۔
میٹنگ میں لیفٹیننٹ گورنر کے مشیر راجیو رائے بھٹناگر اور چیف سیکرٹری ڈاکٹر ارون کما مہتا نے شرکت کی۔
یہ سڑک یونیورسٹی کے لئے ایک اہم لنک ہونے کی وجہ سے مختلف دیہاتوں یعنی دھنور جارالاں ، دھنور دھیانڈیان ، چودھری نار اور رتل ، راجوری ٹائون کے مضافاتی علاقے میں رہنے والی تقریباً ۲۰ہزارنفوس کی آبادی کو بھی رابطہ فراہم کرتاہے ۔
اِس کے مطابق اِنتظامی کونسل نے راجوری سے بابا غلام شاہ بادشاہ یونیورسٹی( بی جی ایس بی یو)تک ۸کلومیٹر سڑک کی تعمیر کی منظور ی دی ہے جس کی تخمینہ لاگت۵۲ء۳۱کروڑ روپے ہے تاکہ موجودہ ۶میٹر سے۱۰میٹر چوڑائی کو۷میٹر کے کیریج وے اور ۱۴ میٹر کے کوری ڈورکو چوڑا کیا جاسکے۔