گزشتہ سال منعقد ہ جونیئر لیگل اسسٹنٹ کی بھرتی کے امتحان بھی منسوخ

جموں//
جموں کشمیر لیگل سروسز اتھارٹی نے جونیئر لیگل اسسٹنٹس کے عہدوں کیلئے ہونے والے امتحان کو منسوخ کر دیا ہے جو ۱۳نومبر ۲۰۲۱ کو منعقد ہوا تھا۔
ممبر سکریٹری ایم کے شرما کے ایک نوٹیفکیشن میں، اتھارٹی نے کہا کہ اس نے جونیئر لیگل اسسٹنٹ کے عہدوں کے لیے ہفتہ‘۱۳ نومبر۲۰۲۱ کو منعقد ہونے والے امتحان کو منسوخ کرنے کی منظوری دے دی ہے۔
اس نے کہا’’قانونی معاونین اور جونیئر قانونی معاونین کی پوسٹوں کیلئے۲۰۲۱ کی۸مارچ ۲۰۲۱ کی نوٹیفکیشن نمبر (۰۱) کو بھی منسوخ کر دیا گیا ہے‘‘۔
نوٹیفکیشن میں مزید کہا گیا ہے کہ قانونی معاونین اور جونیئر لیگل اسسٹنٹس کی بھرتی کیلئے نئے اشتہار کا نوٹیفکیشن مقررہ وقت پر جاری کیا جائے گا۔
یاد رہے کہ اسے سے پہلے نہ صرف پولیس اب انسپکٹر بلکہ کچھ دوسرے محکموں میں بھرتی کے انتخابات بھی منسوخی کئے گئے ۔