’جیش محمد سازش کیس:۶ مجرموں میں سے ۵ کو عمر قید

سرینگر/۸۲ نومبر
نئی دہلی میں قومی تحقیقاتی عدالت (این آئی اے) کی خصوصی عدالت نے پیر کوجیش محمد سازش کیس میں پانچ مجرموں کو عمر قید اور دوسرے کو پانچ سال کی سخت قید کی سزا سنائی۔
اس پیشرفت سے واقف ذرائع نے ایک خبر رساں ایجنسی کوبتایا کہ ایک خصوصی جج، خصوصی عدالت برائے این آئی اے کیسز، نئی دہلی نے آئی پی سی اور یو اے (پی) ایکٹ کے مختلف جرائم کے تحت ۶ ملزمان کو مجرم قرار دیتے ہوئے سزا سنائی۔
مزید تفصیلات بتاتے ہوئے انہوں نے بتایا کہ سجاد احمد خان عرف سجاد احمد خان ولد غلام نبی خان ساکنہ گاو¿ں ہنڈورہ پلوامہ کو عمر قید (سخت) کی سزا سنائی گئی۔ بلال احمد میر عرف بلا ولد فاروق احمد میر ساکن گڈپورہ، ترال پلوامہ کو عمر قید (سخت) اور جرمانے کے ساتھ سزا سنائی گئی۔ مظفر احمد بھٹ عرف مظفر بھٹ ولد عبدالغنی بھٹ ساکن مونگامہ، ترال پلوامہ کو عمر قید(سخت) اور جرمانے کے ساتھ سزا سنائی گئی۔ اشفاق احمد بھٹ عرف اشفاق ولد عبدالمجید بھٹ ساکنہ خالپورہ، مرہامہ، اننت ناگ کو عمر قید (سخت) اور جرمانے کے ساتھ سزا سنائی گئی مہراج الدین چوپان عرف مہراج ولد مرحوم غلام رسول چوپان ساکنہ ہنڈورہ، پلوامہ کو عمر قید (سخت) اور جرمانے کے ساتھ سزا سنائی گئی۔
اس کیس میں قصوروار ٹھہرائے گئے ایک اور ملزم تنویر احمد گنائی عرف تنویر ولد غلام محی الدین گنائی ساکن منڈورہ، ترال، پلوامہ کو ۵ سال قید (سخت) اور جرمانے کے ساتھ سزا سنائی گئی۔
یہ معاملہ کا جیش محمد کے سرکردہ رہنماو¿ں مفتی عبدالرو¿ف اصغر، جو پاکستان میں مقیم مولانا مسعود اظہر کے بھائی ہیں، کی مجرمانہ سازش سے متعلق ہے، تاکہ ہندوستان کے مختلف حصوں میں عسکریت پسندانہ کارروائیوں کے لیے افراد کو بھرتی کیا جا سکے۔ پاکستان کے تربیت یافتہ عسکریت پسندوں، ہتھیاروں اور دھماکہ خیز مواد کے تربیت یافتہ جی ای ایم کی ایک بڑی تعداد نے ہندوستان کی مختلف ریاستوں میں مقیم اپنے ساتھیوں کی مدد سے سرحد پار کرنے کے بعد غیر قانونی طور پر ہندوستانی علاقے میں گھس لیا تھا۔
تمام ملزمان، خاص طور پر بلال میر اور مظفر بھٹ نے اہداف کی جاسوسی کی، ٹھکانوں کا بندوبست کیا اور ہندوستان میں عسکریت پسندانہ حملے کرنے کے لیے دہشت گردوں کو لاجسٹک مدد فراہم کی۔ سجاد احمد خان کو اہم اہداف کی چھان بین کرنے اور دہلی میں ٹھکانے قائم کرنے کے لیے دہلی بھیجا گیا تھا۔ اس کا بنیادی مقصد نوجوانوں کی شناخت، بنیاد پرستی اور بھرتی کرنا، انہیں ہتھیاروں اور دھماکہ خیز مواد اور فیلڈ کرافٹ سے نمٹنے کی تربیت فراہم کرنا اور ان کے مذموم عزائم کو عملی جامہ پہنانے کے لیے فنڈز اکٹھا کرنا، ہتھیاروں کی خریداری وغیرہ تھا۔
تنویر نے دہشت گردوں کی نقل و حمل میں سہولت فراہم کی تھی اور وہ سیل شدہ پارسل/ خوراک/ ادویات اور دیگر لاجسٹک سپورٹ کی فراہمی میں بھی ملوث تھا۔ دھماکہ خیز مواد معراج الدین کے کہنے پر جبکہ مظفر سے ڈیٹونیٹرز برآمد ہوئے۔
اشفاق احمد انتہائی بنیاد پرست تھا اور اس نے دوسرے نوجوانوں کی بنیاد پرستی میں سہولت فراہم کی تھی اور عسکریت پسندوں کو پناہ دینے میں اہم کردار ادا کیا تھا۔