گجرات انتخابات کے لیے کانگریس نے 40 اسٹار پرچارکوں کی فہرست جاری کی

نئی دہلی//کانگریس نے گجرات اسمبلی انتخابات کے پہلے مرحلے کی تشہیر کے لیے اپنے 40 اسٹار پرچارکوں کی فہرست جاری کی ہے ۔
کانگریس کے اسٹارپرچارکوں کی فہرست میں پارٹی صدر ملکارجن کھرگے ، سابق صدر سونیا گاندھی، سابق صدر راہل گاندھی، پرینکا گاندھی وڈرا، اشوک گہلوت، بھوپیش بگھیل، بھوپیندر سنگھ ہڈا، دگ وجے سنگھ، کمل ناتھ، سچن پائلٹ، طارق انور، بی کے ہری پرساد، اشوک چوہان، شکتی سنگھ گوہل، رگھو شرما، موہن پرکاش سمیت کئی اہم لیڈر شامل ہیں۔
اسٹار مہم چلانے والوں کی فہرست میں پون کھیرا، بھرت سنگھ سولنکی، اوشا نائیڈو، کنہیا کمار، کانتی لال بھوریا، عمران پرتاپ گڑھی، امریندر سنگھ راجہ برار، ارجن موڈھواڈیا، سدھارتھ پٹیل وغیرہ کے نام شامل ہیں۔