ڈاکٹر جتیندر آج سہ روزہ کشمیر ایکسپو کا افتتاح کریں گے

سرینگر///
وزیر اعظم کے دفتر میں وزیر مملکت ‘ ڈاکٹر جتیندر سنگھ کل تین روزہ ’کشمیر ایکسپو اسٹارٹ اپس فار لائیولی ہُڈ‘ پروگرام کا افتتاح کریں گے۔
یہ ایکسپو نیشنل انوویشن فاؤنڈیشن انڈیا کے اشتراک سے شیر کشمیر انٹرنیشنل کنونشن سینٹر، سرینگر میں حکومت ہند کے محکمہ سائنس اور ٹیکنالوجی کے زیراہتمام منعقد کیا جا رہا ہے۔
لیفٹنٹ گورنر، منوج سنہا اس تقریب میں جموں اور کشمیر حکومتوں کی نمائندگی کریں گے۔
کانفرنس سینٹر میں منعقد ہونے والی اس سٹارٹ اپ نمائش میں ملک بھر سے تقریباً ۵۵؍ اسٹارٹ اپس حصہ لے رہے ہیں۔ اس تین روزہ نمائش میں مختلف شعبوں میں جدت کے ساتھ آغاز کرنے والے نوجوان بھی اپنی مصنوعات، ٹیکنالوجی اور خدمات کی نمائش کیلئے آئیں گے۔
مرکزی حکومت جموں و کشمیر یو ٹی کے دیہی علاقوں میں روزگار کے مواقع پیدا کرنے اور مقامی لوگوں کو ان کی آبائی ریاست میں بہتر روزگار فراہم کرنے کی سمت میں مسلسل اور موثر کوششیں کر رہی ہے۔ اس مقصد کو حاصل کرنے کے لیے ’کشمیر ایکسپو اسٹارٹ اپ فار لائیولی ہڈ‘ کا انعقاد کیا جا رہا ہے۔
۲۰۱۴ سے، جب وزیر اعظم نریندر مودی نے پہلی بار ’آتمنیر بھر بھارت‘ کے بارے میں بات کی، اس نے ملک کے اندر بہت سے مقاصد کو حاصل کیا۔ بھارت، جو گلوبل اسٹارٹ اپ ہبس میں تیسرے سب سے بڑے ملک کے طور پر ابھرا ہے، کو اتمنیر بھر بھارت مہم سے بہت زیادہ ترغیب ملی ہے۔ پچھلے سات سالوں میں، بھارت میں کچھ مشہور اسٹارٹ اپس سامنے آئے ہیں، جو دیہی بھارت میں زندگی کے بہتر معیار کے لیے کاروباری مواقع پیدا کرکے دیہی لوگوں کو بااختیار بنا رہے ہیں۔
جب وزیر اعظم نریندر مودی نے اقتدار سنبھالا تو یہاں ملک میں صرف۳۵۰؍ اسٹارٹ اپس تھے جن کی تعداد آج بڑھ کر۷۵ ہزار ہو گئی ہے۔ ان اسٹارٹ اپس کی ٹیکنالوجی بھاری تبدیلی کا باعث ثابت ہوئی ہے، جس سے بڑھتی ہوئی پیداواریت اور ترقیاتی صلاحیت کیلئے راہ ہموار ہو رہی ہے۔
قابل ذکر ہے کہ حال ہی میں مرکزی وزیر ڈاکٹر جتیندر سنگھ نے جموں میں اسٹارٹ اپ ایکسپو کا افتتاح کیا۔
تقریب کے آغاز کے بعد وزیر مملکت نے اپنے خطاب میں کہا تھا کہ وزیر اعظم نریندر مودی کے وژن اور رہنمائی میں اسٹارٹ اپس نئی اڑان بھر رہے ہیں۔ تب ملک میں ۵۰بائیوٹیک پارکیں تھیں اور آج ملک میں ۵۵۰۰ بائیوٹیک پارکیں ہیں۔ یہ سب اس لیے ممکن ہوا کہ وزیراعظم ان کی اہمیت سے واقف تھے۔ انہوں نے انہیں صحیح وقت پر صحیح حوصلہ افزائی کی۔