پورن کرشن بھٹ کی اہلیہ کو سرکاری نوکری فراہم کی جائیگی :ایل جی

جموں//
جموںکشمیر کے لیفٹیننٹ گورنر ‘منوج سنہا نے ملی ٹینٹوں کے ہاتھوں قتل کئے گئے کشمیری پنڈت کے اہل خانہ کے ساتھ جموں میں ملاقات کی۔
ایل جی نے اہل خانہ کو یقین دلایا کہ جاں بحق ہوئے شہری کی اہلیہ کو سرکاری نوکری کے ساتھ ساتھ ہر ممکن مدد فراہم کی جائے گی۔
اطلاعات کے مطابق جمعے کے روز لیفٹیننٹ گورنر منوج سنہا نے جموں میںجاں بحق کشمیری پنڈت‘ پورن کرشن بھٹ کے گھر جا کر اہل خانہ کے ساتھ ملاقات کی۔
ایل جی کے ہمراہ ڈپٹی کمشنر جموں آوانی لواسہ، اے ڈی جی پی جموں مکیش سنگھ اور دوسرے سینئر آفیسران بھی موجود تھے ۔
اس موقع پر ایل جی نے اہل خانہ کو یقین دلایا کہ پورن کرشن بھٹ کی اہلیہ کو سرکاری نوکری فراہم کی جائے گی۔انہوں نے بتایا کہ انتظامیہ کی جانب سے گھر والوں کو ہر ممکن مدد فراہم کی جائے گی۔
بتادیں کہ۱۵؍اکتوبر کو شوپیاں کے چودھر گنڈ علاقے میں مشتبہ ملی ٹینٹوں نے پورن کرشن بھٹ نامی کشمیری پنڈت پر نزدیک سے گولیاں چلائیں جس کے نتیجے میں اُس کی برسرموقع ہی موت واقع ہوئی تھی۔