روس کا یوکرین پر ڈرٹی بم کی تیاری کا الزام

ماسکو//
روس کی جانب سے یوکرین پر ڈرٹی بم کی تیاری کے الزام کے بعد انٹرنیشنل اٹامک انرجی ایجنسی (آئی اے ای اے) کی ٹیم نے یوکرین میں 2 جوہری سائٹس کا دورہ کیا ہے۔
ایجنسی کے سربراہ رافیل گروسی نے کہا ہے کہ یوکرین میں دو جوہری سائٹس پر معائنہ شروع کردیا ہے۔
رافیل گروسی نے اس حوالے سے کہا کہ رواں ہفتے کے اختتام پر اپنے ابتدائی نتائج فراہم کریں گے۔
غیرملکی خبر ایجنسی کے مطابق یوکرین نے روس کے ڈرٹی بم الزامات کی تردید بھی کردی ہے۔
خبر ایجنسی کے مطابق یوکرین نے روسی الزامات پر عالمی ادارے سے معائنے کی درخواست کی تھی۔
روس کے صدر ویلادیمیر پیوٹن نے بھی عالمی ادارے سے یوکرین کی جوہری تنصیبات کے معائنےکا مطالبہ کیا تھا۔