حسینہ واجد کی حکومت کے خلاف ہزاروں افراد سڑکوں پر نکل آئے

ڈھاکا//
بنگلا دیش میں حسینہ واجد کی حکومت کے خلاف ہزاروں افراد سڑکوں پر نکل آئے، حکومت کی جانب سے مظاہرین کے خلاف کریک ڈاؤن کیا گیا۔
تفصیلات کے مطابق بنگلادیش کی نیشنل پارٹی نے شہر کھلنہ میں احتجاج کی کال دی، جس پر ہزاروں افراد وزیر اعظم حسینہ واجد کی حکومت کے خلاف سڑکوں پر نکل آئے۔
مظاہرے کو روکنے کے لیے عوامی لیگ کی حکومت نے کریک ڈاؤن کرتے ہوئے شہر میں پبلک ٹرانسپورٹ بند کر دی، رکاوٹوں کی وجہ سے کئی مقامات پر جھڑپیں ہوئیں، پولیس اور مظاہرین آنے سامنے آئے۔
عوامی لیگ نے بنگلا دیش نیشنل پارٹی پر دہشت پھیلانے کا الزام عائد کر دیا ہے۔