کشمیرمیں۱۴ مختلف مقامات پر ایس آئی اے کے چھاپے

سرینگر//
جموںکشمیر کی سٹیٹ انوسٹی گیشن ایجنسی (ایس آئی اے ) نے ہفتے کی صبح وادی کشمیر میں۱۴ مختلف مقامات پر ملی ٹنسی فنڈنگ کیس کے سلسلے میں چھاپے مارے ۔
سرکاری ذرائع نے بتایا کہ ایس آئی اے کی ایک ٹیم نے پولیس اور سی آر پی ایف ہلکاروں کے ہمراہ ملی ٹنسی فنڈینگ کیس کے سلسلے میں سرینگر‘ سوپور‘ بارہمولہ اور شوپیاں میں۱۴ رہائشی مکانات اور احاطوںپر چھاپے مارے ۔
معلوم ہوا ہے کہ شمالی کشمیر کے پٹن علاقے میں محمد الطاف نامی ایک شخص کے گھر پر چھاپہ مارا گیا جبکہ جنوبی کشمیر کے ضلع شوپیاں کے اونیرہ علاقے میں ایک سرکاری ملازم کے گھر پر چھاپہ مارا گیا۔
معلوم ہوا ہے کہ ایس آئی اے نے ۶۵ سالہ گلزار احمد بھٹ ولد محمد صابر بھٹ ساکن آونیرا زین پورہ کے رہائشی مکان پر چھاپہ مارا، جو محکمہ ہائر ایجوکیشن میں سرکاری ملازم ہیں۔اس کے علاوہ ریذیڈنسی روڈ سرینگر میں برہان الحق، پراپرائٹر میسرز ٹریول کمپینئن کے دفتر کی تلاشی لی گئی۔