شاہد آفریدی نے غریب نوجوان مداح کے طبی اخراجات اٹھا کر ایک بار پھر دل جیت لیے

لاہور//
پاکستان کرکٹ ٹیم کے سابق کپتان شاہد آفریدی نے بھرے سٹیڈیم میں ایک شخص کی پکار سن کر لوگوں کے دل جیت لیے۔ لاہور کے سٹیڈیم میں ایک غریب شخص اپنے بچے کے آپریشن کی فریاد پوسٹر پر لکھ کر لے آیا جسے شاہد آفریدی نے دیکھ لیا۔ شاہد آفریدی نے مجمعے سے اس شخص کو اپنے نزدیک بلاکر اس سے پوسٹر لیا اور اس میں درج تفصیلات پڑھیں۔
شاہد آفریدی نے پوسٹر میں لکھی علاج کی بڑی 20 لاکھ روپے کی رقم پر بالکل بھی دھیان نہ دیا اور فورا اس شخص کا نمبر لے لیا اور اسے مدد کی یقین دہانی کرائی۔ شاہد آفریدی کی جانب سے اتنی بڑی رقم کے باوجود فوراً ہی مدد کی حامی کو ان کے مداح بہت پسند کررہے ہیں۔