سرینگر///
جموںکشمیر میں شمالی کشمیر کے بالائی حصوں میں منگل کے روز تازہ برف باری ہوئی جس وجہ سے میدانی علاقوں میں سردی میں اضافہ دیکھنے کو ملا ہے۔
یونین ٹریٹری لداخ میں بھی تازہ برف باری ہوئی۔ لہیہ کے ضلع ترقیاتی کمشنر نے ایڈوائزری جاری کرتے ہوئے بتایا کہ لداخ کے کھر دنگلا پاس، چھنگلہ پاس اور دوسرے اہم سیاحتی مقامات پر بھاری برف باری کے پیش نظر لوگوں سے تلقین کی جاتی ہیں کہ وہ ان شاہراوں پر سفرکرنے سے گریز کریں۔
محکمہ موسمیات نے اگلے چوبیس گھنٹوں کے دوران وادی میں ہلکی سے درمیانہ درجے کی بارشوں اور بالائی علاقوںمیں برف و باراں کی پیش گوئی کی ہے۔
یو این آئی اردو کو موصول ہونے والی اطلاعات کے مطابق شمالی کشمیر کے ضلع بارہمولہ میں واقع شہرہ آفاق سیاحتی مقام گلمرگ کے افروٹ پہاڑی سلسلہ پر منگل کو برف باری ہوئی۔معلوم ہوا ہے کہ افروٹ پہاڑی پر یہ رپورٹ فائل کرنے تک دو انچ برف ریکارڈ کی گئی۔
برف باری کی وجہ سے اس پہاڑی سلسلے پر سفید چادر بچھ گئی ہے جس کا نظارہ گلمرگ کے نزدیک واقع سبھی علاقوں میں دیکھا جاسکتا ہے۔
خطہ پیر پنچال سے موصولہ اطلاعات کے مطابق تاریخی مغل روڑ کے راستے بالخصوص پیر کی گلی کے مقام پر بھی ہلکی برف باری ہوئی ہے۔ نیز دیگر کچھ پہاڑیوں نے بھی برف باری سے سفید رنگ و روپ اختیار کر لیا ہے۔
دریں اثنا منگل کے روز لداخ یونین ٹریٹری میں درمیانہ درجے کی برفباری کے باعث کئی شاہراوں پر ٹریفک کی آمدورفت پر پابندی عائد کی گئی۔ضلع ترقیاتی کمشنر لہیہ نے ایڈوائزری جاری کرتے ہوئے بتایا کہ لداخ کے کھر دنگلا پاس، چنگلہ پاس اور دوسرے اہم سیاحتی مقامات پر بھاری برفباری ہوئی جس کے پیش نظر مسافروں سے تلقین کی جاتی ہیں کہ وہ ان شاہراوں پر سفر کرنے سے گریز کریں۔
ایڈوائزری میں بتایا گیا ہے کہ برف سے ڈھکی شاہراوں پر فور اینڈ فور گاڑیوں کا ہی استعمال کریں تاکہ کوئی حادثات سے بچا جا سکے۔
علاوہ ازیں محکمہ موسمیات کے مطابق وادی کشمیر میں اگلے چوبیس گھنٹوں کے دوران ہلکی سے درمیانہ درجے کی بارشوں اور اونچے پہاڑوں پر ہلکی برف باری متوقع ہے۔
اسدوران پیر کی گلی میں جاری برف باری کے باعث مغل شاہراہ پر ٹریفک کی نقل و حمل کو عارضی طورپر بند کردیا گیا ہے ۔
اطلاعات کے مطابق منگل کی سہ پہر کوپیر پنچال کے آر پار موسم نے کروٹ لی جس کے ساتھ ہی کشمیر کے اونچے پہاڑوں پر برفباری کا سلسلہ شروع ہوا۔
معلوم ہوا ہے کہ مغل شاہراہ پر پیر کی گلی کے مقام پر بھی سہ پہر کے بعد برف باری کا سلسلہ شروع ہوا جس وجہ سے شاہراہ پر ٹریفک کی نقل وحمل کو روک دیا گیا ہے ۔
سرکاری ذرائع کے مطابق شاہراہ پر پھسلن کی وجہ سے گاڑیوں کی آمدورفت روک دی گئی۔
دریں اثنا محکمہ موسمیات کے مطابق جموں و کشمیر میں مغربی ہواؤں کے زیر اثر اگلے چوبیس گھنٹوں کے دوران میدانی علاقوں میں ہلکی بارش جبکہ بالائی علاقوں میں ہلکی برف باری ہوسکتی ہے ۔
اُن کے مطابق جموں وکشمیر کے بالائی علاقوں میں ۱۹سے۲۰؍اکتوبر کی صبح تک برف باری متوقع ہے ۔
محکمہ موسمیات کا مزید کہنا تھا کہ رواں ماہ کی۲۰ تاریخ کے بعد ایک ہفتے تک موسم مجموعی طور پر خشک رہے گا۔