مودی جوناگڑھ میں 4155.17 کروڑ روپے کے ترقیاتی کاموں کا سنگ بنیاد رکھیں گے

گاندھی نگر//وزیر اعظم نریندر مودی بدھ کو گجرات کے جوناگڑھ میں 4155.17 کروڑ روپے سے زیادہ کے ترقیاتی کاموں کا سنگ بنیاد رکھیں گے اور اعلانات کریں گے ۔
سرکاری ذرائع کے مطابق مسٹر مودی جوناگڑھ میں ایک جلسہ عام سے بھی خطاب کریں گے ۔ اس کے ساتھ وہ گیر سومناتھ، پوربندر اور جوناگڑھ کے 4155.17 کروڑ روپے کے مختلف ترقیاتی کاموں کا تحفہ بھی پیش کریں گے جن میں نرمدا، آبی وسائل، پانی کی فراہمی اور کلپسر، شہری ترقی، ماہی پروری اور گجرات میری ٹائم بورڈ اور محکمہ صحت شامل ہیں۔
گزشتہ ایک سال میں وزیر اعلیٰ بھوپیندر پٹیل نے مختلف علاقوں میں سہولیات کی ترقی کے لیے ضروری بنیاد رکھی ہے ، جس کی وجہ سے مختلف اضلاع میں ترقیاتی کاموں میں تیزی آئی ہے ۔ آنے والے وقت میں جوناگڑھ میں کئی سہولیات بڑھیں گی۔ اس میں ونتھلی اور میندرنا پارٹ-2 واٹر سپلائی اسکیم شامل ہے ۔ اس کے ساتھ ہی نابارڈ کی آر آئی ڈی ایف اسکیم کے تحت بیج، کھاد اور زرعی مصنوعات کے ذخیرہ کا سنگ بنیاد رکھا جائے گا۔
پوربندر میں 546 کروڑ کی لاگت سے جی ایم ای آر ایس میڈیکل کالج اور جنرل اسپتال کا سنگ بنیاد رکھا جائے گا اور مادھو پور میں شری کرشنا-رکشمنی یاترادھام کے ترقیاتی کاموں اور بیچنا پارٹ 2 گروپ واٹر سپلائی اسکیم سمیت دیگر ترقیاتی کاموں کا سنگ بنیاد رکھا جائے گا۔
گِر سومناتھ ضلع میں مدھواڑا، ستراپڈا اور ویراول کی 834.12 کروڑ کی متسیا پورٹ ڈیولپمنٹ اسکیم کا سنگ بنیاد رکھا جائے گا۔