مودی کی پالیسیوں کی وجہ سے بے روزگار ٹھوکریں کھانے پر مجبور: راہل

نئی دہلی// کانگریس کے سابق صدر راہل گاندھی نے یو پی ۔پی ای ٹی امتحان میں چند عہدوں کے لئے 37امیدواروں کو امتحان میں شامل ہونے پر کہا کہ مودی حکومت نے نوجوانوں کو روزگار دینے کے نام پر انہیں صرف گمراہ کرنے کا کام کیا ہے ۔
مسٹر گاندھی نے کہا کہ نوجوانوں کی اتنی بڑی تعداد صرف چند عہدوں کے لیے پہنچی ہے ۔ امتحانی مراکز دور دور رکھے گئے ہیں جس کی وجہ سے نوجوانوں کو مزید پریشانی کا سامنا ہے ۔ ملک کے نوجوان بے روزگار بے بس ہیں اور مسٹر مودی نے آنکھیں بند کررکھی ہیں۔
مسٹر گاندھی نے ٹویٹ کیا، "یوپی پی ای ٹی فارم – 37 لاکھ، آسامیاں – گنتی کی۔ ان نوجوانوں کو سالانہ 2 کروڑ ملازمتیں دینے کاجھانسہ دیا گیا تھا لیکن اس تصویر میں ملک کے پڑھے لکھے بے روزگار نوجوانوں کی بے بسی نظر آتی ہے ۔ صاف ظاہر ہے کہ وزیراعظم آنکھیں بند کیے بیٹھے ہیں اور نوجوان در در کی ٹھوکریں کھانے پر مجبور ہیں۔