سرینگر جموں شاہراہ پرگاڑی کی ٹکر سے ٹریفک پولیس اہلکار ہلاک

جموں//
سرینگر جموں شاہراہ پر اُدھم پور کے نزدیک ایک نامعلوم گاڑی نے ٹریفک پولیس اہلکار کو زور دار ٹکر ماری جس وجہ سے اُس کی برسر موقع ہی موت واقع ہوئی۔
سرکاری ذرائع نے بتایا کہ سرینگر جموں شاہراہ پر گرنائی ناکہ کے نزدیک نامعلوم گاڑی نے ڈیوٹی پر مامور ٹریفک پولیس اہلکارکو ٹکر ماری جس وجہ سے وہ شدید طورپر زخمی ہوا۔
معلوم ہوا ہے کہ آس پاس موجود دوسرے اہلکاروں نے اُس سے علاج ومعالجہ کی خاطر نزدیکی ہسپتال منتقل کیا تاہم وہاں پر موجود ڈاکٹروں نے ٹریفک پولیس اہلکار کو مردہ قرار دیا۔
متوفی کی شناخت موہن لال کے بطور ہوئی ہے ۔پولیس نے معاملے کی نسبت کیس درج کرکے گاڑی کی تلاش شروع کی ۔