پونچھ سڑک حادثے میں۱۱؍افرادہلاک‘ زائد از دو درجن زخمی

جموں//
جموں کشمیر کے ضلع پونچھ میں بدھ کی صبح ایک دلدوز سڑک حادثے میں۱۱؍افراد زخمی جبکہ۲۷دیگر زخمی ہوگئے ۔
ہلاک شدگان میں دو کمسن بچے اور تین خواتین شامل ہیں جبکہ زخمیوں میں سے ۵کی حلات نازک بتائی جا رہی ہے جنہیں گورنمنٹ میڈیکل کالج جموں ائر لفٹ کیا گیا ہے ۔
سرکاری ذرائع نے حادثے کے بارے میں تفصیلات فراہم کرتے ہوئے کہا کہ پونچھ میں بدھ کی صبح منڈی سے ساوجیاں جانے والی ایک منی گاڑی سڑک سے لڑھک کر ایک گہری کھائی میں جا گری۔
ذرائع نے کہا کہ حادثہ پیش آتے ہی فوج، پولیس اور مقامی لوگوں نے بڑے پیمانے پر بچاؤ آپریشن شروع کر دیا۔
پولیس ذرائع نے بتایا کہ حادثے کے نتیجے میں نو افراد کی بر سر موقع ہی یا ہسپتال لے جانے کے دوران موت واقع ہوئی۔
جاں بحق افراد کی شناخت ۱۴سالہ معروف احمد‘۴۰سالہ بشیر احمد‘۱۸سالہ روضیہ اختر‘۴۰سالہ زرینہ بیگم‘۶۵سالہ محمد حسین‘۲۰سالہ ناظمہ اختر‘۵سالہ عمران احمد‘۷۰سالہ عبدالکریم اور۴۰سالہ عبدالقیوم کے بطور ہوئی ہے جب سب مقامی باشندے ہیں۔انہوں نے کہا کہ زخمیوں کو علاج و معالجے کیلئے ہسپتال منتقل کیا گیا جن میں سے گیارہ کی حالت نازک بتائی جا رہی ہے ۔
جموںکشمیر کے لیفٹیننٹ گورنر منوج سنہا نے اس سڑک حادثے پر گہرے رنج کا اظہار کیا ہے اورمارے گئے افراد کے لواحقین کو پانچ لاکھ روپیے معاوضہ دینے کا اعلان کیا ہے ۔
سنہا نے اپنے ایک ٹویٹ میں کہا’’ساوجیاں پونچھ میں سڑک حادثے میں ہونے والی انسانی جانوں کے زیاں پر گہرا صدمہ ہوا، پسماندگان کو تعزیت کرتا ہوں اور زخمیوں کی جلد صحتیابی کیلئے دعا کرتا ہوں‘‘۔
ایل جی کا مزید کہنا تھا’’مارے گئے افراد کے لواحقین کو پانچ لاکھ رویے معاوضہ دئے جائیں گے اور پولیس اور سول حکام کو ہدایت دی کہ زخمیوں کو بہتر علاج بہم پہنچائیں۔‘‘
اس دوران جموںکشمیر کے لیفٹیننٹ گورنر منوج سنہا بدھ کے روز ساوجیاں سڑک حادثے میں زخمی ہونے والے افراد کی عیادت کے لئے ضلع ہسپتال پونچھ پہنچے ۔
سنہا نے حادثے میں شدید زخمی ہونے والوں کو ایک لاکھ روپیہ معاوضہ دینے کا اعلان کیا۔
بتادیں کہ جموں و کشمیر کے ضلع پونچھ کے ساوجیاں علاقے میں بدھ کی صبح ایک سڑک حادثے میں۱۱؍افراد زخمی جبکہ ۲۷دیگر زخمی ہوگئے ۔
لیفٹیننٹ گورنر نے اپنے ایک ٹویٹ میں کہا’’آج ایک دلدوز سڑک حادثے میں زخمی ہونے والوں کی عیادت کے لئے ضلع ہسپتال پونچھ پہنچا اور وہاں زخمیوں کے رشتہ داروں اور ان کا علاج کرنے والے ڈاکٹروں سے ملا‘‘۔
سنہا نے ٹویٹ میں مزید کہا’’حادثے میں چھ شدید زخمی ہونے والوں کو علاج کیلئے جموں منتقل کیا گیا اور اس حادثے میں شدید زخمی ہونے والوں کو ایک لاکھ روپے معاوضہ دیا جائے گا۔‘‘