سنتور ہوٹل ملازموں کا سرینگر میں احتجاج

سرینگر//
سنتور ہوٹل سرینگر کے ملازمین نے پیر کے روز یہاں پریس کالونی میں جمع ہوکر ایک بار پھر احتجاج درج کیا۔
احتجاجی اپنے مطالبات کے حق میں جم کر نعرہ بازی کر رہے تھے ۔
اس موقع پر ایک احتجاجی ملازم نے میڈیا کے ساتھ بات کرتے ہوئے کہا کہ ہم سال۱۹۸۳سے اس ہوٹل میں کام کر رہے ہیں اور سال رواں کے۱۴جون کو ایک مکتوب کے تحت ہمیں نکالا گیا۔
مظاہرین نے کہا کہ ہم بخوبی جانتے ہیں کہ ہوٹل کو کس طرح سے چلانا ہے اور ہمارے کام سے ہوٹل کی ماہانہ آمدنی دو کروڑ روپیے تھی۔
احتجاجیوں نے کہا کہ یہ ہوٹل، ہوٹل کارپوریشن آف انڈیا کے تحت چل رہا ہے اور اس کو کارپوریشن کو واپس دیا جانا چاہئے ۔انہوں نے کہا کہ ہم۱۶۰مستقل اور۲عارضی ملازمین اس ہوٹل میں کام کر رہے تھے ۔
مطاہرین نے انتظامیہ سے ان کی نوکریوں کو بحال کرنے کی اپیل کی۔