نئی دہلی، 19 نومبر (یواین آئی) دہلی کی وزیر اعلیٰ ریکھا گپتا نے جمعرات کو کہا کہ مذہبی اور ثقافتی تقریبات کی کامیابی صرف شاندار جشن تک محدود نہیں ہونی چاہیے، بلکہ ان کے بعد عوامی مقامات اور قدرتی وسائل کی صفائی برقرار رکھنا بھی ہماری ذمہ داری ہے۔
وزیر اعلیٰ کی قیادت میں جمعرات کو شالیمار باغ میں واقع منک نہر گھاٹ پر خصوصی صفائی مہم چلائی گئی۔ چھٹھ مہاپرو کے شاندار انعقاد کے بعد ماحولیات کے تحفظ، صفائی ستھرائی اور عوامی شراکت داری کو فروغ دینے کے مقصد سے منعقدہ اس مہم میں انہوں نے خود بھی شرمدان کرکے لوگوں کو صفائی کا پیغام دیا۔ اس مہم میں اداکار جیکی شراف، اداکارہ ایشا گپتا، گلوکار اسٹیبن بین اور بسمل سمیت متعدد معزز شخصیات، عوامی نمائندوں، رضاکاروں، طلبہ اور مقامی شہریوں نے حصہ لیا۔









