ریحان واڈرا کی تصویری نمائش سے کچھ تصاویر ہٹانے کی درخواست، بیکانیر ہاؤس مینجمنٹ کمیٹی نے جاری کیا بیان

نئی دہلی، 22 اکتوبر (یو این آئی) ریحان واڈرا کی تصویری نمائش نو آئیڈیا اِز فائنل کے تعلق سے پیدا ہونے والے تنازع کے درمیان بیکانیر ہاؤس مینجمنٹ سوسائٹی نے جمعرات کو کہا کہ کچھ تصاویر اس کی مقررہ پالیسی کے مطابق نہ ہونے کی وجہ سے انہیں ہٹانے کی درخواست کی گئی تھی۔
سوسائٹی نے یہاں جاری ایک پریس بیان میں واضح کیا کہ نمائش میں شامل کچھ تصاویر اس کی مقررہ پالیسی کے مطابق نہیں پائی گئیں، جس کے بعد انہیں ہٹانے کے لیے کہا گیا۔
سوسائٹی نے کہا کہ بیکانیر ہاؤس فن اور ثقافت کے فروغ کے لیے وقف ایک عوامی ثقافتی ادارہ ہے۔ یہاں منعقد ہونے والی نمائشوں اور ان سے متعلق سرگرمیوں میں بیکانیر ہاؤس مینجمنٹ کمیٹی کی پالیسی پر عمل کرنا ضروری ہے۔
سوسائٹی کے مطابق، ریحان واڈرا کی نمائش ‘نو آئیڈیا اِز فائنل’ کے ایک حصے کے طور پر پیش کی گئی کچھ تصاویر مقررہ پالیسی کے مطابق نہیں تھیں۔ اسی لیے انہیں ہٹانے کی درخواست کی گئی۔ تاہم، جو تصاویر سوسائٹی کی پالیسی کے مطابق پائی گئیں، ان کی نمائش بدستور جاری ہے۔