ڈی ڈی سی اے نے ارون جیٹلی اسٹیڈیم میں انڈر 16 لڑکوں کا کیمپ شروع کیا

نئی دہلی، 21 اکتوبر (یواین آئی) دہلی اینڈ ڈسٹرکٹ کرکٹ ایسوسی ایشن (ڈی ڈی سی اے) نئی دہلی کے ارون جیٹلی اسٹیڈیم میں ‘انڈر 16 بوائز کیمپ 2026’ کا انعقاد کر رہا ہے۔ کیمپ کے لیے مجموعی طور پر 139 کھلاڑیوں کو شارٹ لسٹ کیا گیا ہے، جنہیں 21 اور 22 اکتوبر کو رپورٹ کرنا ہے۔
کیمپ بدھ کو شروع ہو گیا۔ ایک سے 70 نمبر تک کے کھلاڑیوں کو صبح 11:30 بجے، جبکہ 71 سے 139 نمبر تک کے کھلاڑیوں کو دوپہر 2 بجے رپورٹ کرنا ہے۔ 22 اکتوبر کو ایک سے 70 نمبر تک کے کھلاڑی صبح 8 بجے اور 71 سے 139 نمبر تک کے کھلاڑی صبح 10:30 بجے رپورٹ کریں گے۔
کیمپ کا شیڈول اور شارٹ لسٹ کھلاڑیوں کی فہرست ڈی ڈی سی اے لیگ اینڈ ٹورنامنٹ کمیٹی نے جاری کی ہے۔ کمیٹی کے چیئرمین اشوک شرما اور کنوینر نو دیپ ملہوترا ہیں۔
تمام کھلاڑیوں کے لیے مقررہ وقت پر کرکٹ کی مناسب پوشاک اور اسپورٹس شوز کے ساتھ رپورٹ کرنا لازمی ہے۔ اسٹیڈیم میں پارکنگ کی سہولت دستیاب نہ ہونے کے امکان کے پیش نظر کھلاڑیوں کو آمدورفت کا انتظام خود کرنے کا مشورہ دیا گیا ہے۔ والدین یا سرپرستوں کو گراؤنڈ کے احاطے میں داخلے کی اجازت نہیں ہوگی۔