نئی دہلی، 15 اکتوبر (یو این آئی) دہلی اور آس پاس کے علاقوں میں جمعرات کے روز دوپہر بعد ہونے والی تیز بارش کے باعث کم از کم پانچ پروازوں کو ڈائیورٹ کرنا پڑا۔
دہلی ہوائی اڈے کے ایک اہلکار نے بتایا کہ چار پروازوں کو جے پور اور ایک کو نوئیڈا ڈائیورٹ کیا گیا۔ ان میں تین پروازیں ایئر انڈیا کی، ایک ایئر انڈیا ایکسپریس کی اور ایک مال بردار پرواز شامل ہے۔
ایئر انڈیا کی ڈائیورٹ کی گئی پروازیں احمد آباد، بھوپال اور بنگلورو سے دہلی آ رہی تھیں۔ ایئر انڈیا ایکسپریس کی پرواز بھوبنیشور سے آئی تھی جبکہ مال بردار پرواز مکاؤ سے آئی تھی۔
دہلی اور آس پاس کے علاقوں میں آج دوپہر بعد تیز بارش ہوئی۔ اس سے ہوائی اڈے پر طیاروں کو ڈائیورٹ کرنے کے علاوہ کچھ پروازوں کی آمد و رفت میں تاخیر کی بھی اطلاع ہے۔
