صدر کی توہین پر ملک سے معافی مانگے کانگریس: ایرانی

نئی دہلی/28 جولائی
مرکزی وزیر اسمرتی ایرانی نے جمعرات کو لوک سبھا میں کانگریس کوقبائلی مخالف قرار دیتے ہوئے کیا کہ صدر دروپدی مرمو کی توہین کرنے پر پارٹی کی صدر سونیا گاندھی کو ملک سے معافی مانگنی چاہئے ۔
ایوان کی کارروائی جیسے ہی شروع ہوئی ایرانی نے کانگریس کے لیڈر ادھیر رنجن چودھری کی طرف سے صدر جمہوریہ کے لئے لئے کئے گئے ریمارکس کو نامناسب قرار دیتے ہوئے کانگریس کو قبائل اور خواتین مخالف قرار دیا۔ انہوں نے سخت لہجے میں کہا کہ کانگریس لیڈر نے جس طرح کاتبصرہ صدرکے لئے کیا ہے اس کے لئے محترمہ گاندھی کو ملک سے معافی مانگنی چاہئے ۔
ایرانی نے کہا کہ جب سے محترمہ دروپدی مرمو کا نام صدارتی امیدوار کے طور پر اعلان کیا گیا، تب سے ہی وہ کانگریس پارٹی کی نفرت اور تضحیک کا شکار ہوئیں۔ کانگریس آج بھی اس بات کوقبول نہیں کرپارہی ہے کہ ایک قبائلی خاتون اس ملک کے اعلیٰ ترین آئینی عہدے پر فائز ہورہی ہے ۔ مرکزی وزیر نے کہا’’سونیا گاندھی، آپ نے دروپدی مرمو کی توہین کی منظوری دی‘‘۔
مرکزی وزیر کی جانب سے محترمہ گاندھی سے معافی مانگنے کے مطالبے پرحکمراں جماعت کے تمام ارکان نے کھڑے ہو کر معافی کا مطالبہ کرنے لگے ۔ ایوان میں ہنگامہ بڑھنے پر لوک سبھا اسپیکر نے کارروائی۱۲بجے تک ملتوی کر دی۔