روس اور یوکرین میں کل شب کے حملوں میں متعدد افراد زخمی

ماسکو، کیف، 18 ستمبر (یو این آئی) روس اور یوکرین نے جمعہ کی شب ڈرون حملوں کا تبادلہ کیا، یوکرینی حکام نے مختلف علاقوں میں 12 افراد کے زخمی ہونے کی اطلاع دی جبکہ روسی حکام نے ڈرون کے ملبے کے گرنے سے نقصانات کی خبر دی ہے۔
کیف میں ایک روسی ڈرون حملے میں پانچ افراد زخمی ہوئے جن میں تین بچے بھی شامل ہیں، کیف شہری عسکری انتظامیہ کے سربراہ تیمور تکاچینکو کا کہنا ہے کہ حملے میں ایک مکان تباہ اور ایک کو نقصان پہنچا ہے۔
یوکرینی فضائیہ نے کہا کہ روسی افواج نے کل شب 93 ڈراون لانچ کیے اور فضائی دفاع نے 69 ڈراون یا تو مار گرائے یا جیم کر دیے۔
خارکیف کے علاقے میں متعدد روسی حملوں کے دوران تین افراد زخمی ہوئے، علاقائی دفترِ اٹارنی کا کہنا ہے کہ رہائشی املاک، عمارتیں اور ایک گاڑی کو نقصان پہنچا ہے۔
یوکرینی داخلہ وزارت نے بتایا ہے کہ زاپوریژیا میں ایک روسی حملے میں ایک شاپنگ سینٹر کو نشانہ بنایا گیا ، جس سے ایک شخص زخمی ہوا اور جائے وقوعہ پر آگ بھڑک اٹھی۔ امدادی کارکنوں نے بعدازاں آگ بجھا دی۔
اودیسا کے علاقے میں گورنر اولے کیپر کے بقول شہری انفراسٹرکچر پر جسے انہوں نے ‘بڑاحملہ’ قرار دیا، تین مزید افراد زخمی ہوئے۔ رہائشی علاقے، ایک ادارہ، اسٹوریج ٹینک اور گوداموں کو نقصان پہنچا۔
یہ تازہ حملے ایک وسیع روسی حملہ مہم کے بعد ہوئے جن کے بارے میں یوکرینی حکام نے کہا کہ جمعرات کو ملک بھر میں شہری ہلاک اور زخمی ہوئے۔
ماسکو کے میئر سرگئی سوبیانن نے کہا کہ 350 سے زائد یوکرینی ڈرون ماسکو کی طرف داغے گئے جن میں سے بیشتر دارالحکومت تک پہنچنے سے پہلے تباہ کر دیے گئے اور 64 کو ماسکو کے قریب ناکارہ بنایا گیا۔
علاقائی گورنر یوری سلیوسر نے کہا کہ روستووف کے علاقے میں ڈراون کا ملبہ گرنے سے فلیٹس اور نجی گاڑیوں کو نقصان پہنچا۔
روسی وزارتِ دفاع نے کہا کہ اس کی افواج نے روسی سرزمین، ایزوف اور بحیرہ اسود کے علاقوں، اور یوکرین کے روس کے زیرِ قبضہ کریمیا کے اوپر 629 یوکرینی فکسڈ وِنگ ڈرونز کو روکا اور تباہ کیا۔
دونوں فریقین کے دعووں کی آزادانہ طور پر تصدیق ممکن نہیں بن سکی۔