جموں، 3 ستمبر:
بارڈر سکیورٹی فورس (بی ایس ایف) نے جمعرات کی صبح جموں کے کاناچک سیکٹر میں انٹرنیشنل بارڈر کے قریب ایک پاکستانی درانداز کو گرفتار کرلیا۔ حکام نے یہ اطلاع دی۔
حکام کے مطابق۴۴ ویں بی ایس ایف بٹالین کے اہلکاروں نے صبح کے اوقات میں بارڈر آؤٹ پوسٹ (بی او پی) سوہن کے قریب مذکورہ شخص کو گرفتار کیا۔
گرفتاری کے بعد اسے بی ایس ایف کی تحویل میں لے لیا گیا، جبکہ صورتحال کا جائزہ لینے کے لیے اعلیٰ حکام بھی موقع پر پہنچے۔
حکام نے بتایا کہ زیرِ حراست شخص سے اس وقت اس کی شناخت، بھارت میں داخل ہونے کے مقصد اور دیگر متعلقہ تفصیلات جاننے کے لیے پوچھ گچھ کی جا رہی ہے۔
۔۔۔۔۔۔ایجنسیاں
