ملہوترا نے دہلی بی جے پی دفتر میں کی پرچم کشائی

نئی دہلی، 15 اگست (یو این آئی) دہلی پردیش بھارتیہ جنتا پارٹی (بی جے پی) صدر ہرش ملہوترا نے ہفتے کے روز 80 ویں یومِ آزادی کے موقع پر پردیش دفتر میں پرچم کشائی کی اور وہاں موجود تمام کارکنوں نیز لیڈروں کے ساتھ ہی تمام دہلی والوں کو یومِ آزادی کی مبارکباد دی۔
اس موقع پر رکنِ پارلیمان منوج تیواری، دہلی حکومت میں وزیر منجندر سنگھ سرسا، پردیش عہدیدار وشنو متل، محترمہ یوگیتا سنگھ، مسٹر موہن لال گہارا، مسٹر راجیش بھاٹیا، مسٹر سنیل یادو، مسٹر پروین شنکر کپور، مسٹر وکرم بیدھوڑی، محترمہ رچا پانڈے مشرا، محترمہ ساریکا جین، مسٹر کوشل مشرا، مسٹر کیلاش جین، مسٹر گورو کھاری، مسٹر ابھشیک ٹنڈن، مسٹر روہت چہل، مسٹر سنتوش اوجھا، مسٹر انیس عباسی، مسٹر سنتوش پال، مسٹر رجت چودھری اور مسٹر امیت گپتا بھی پرچم کشائی کی تقریب میں شریک ہوئے۔
مسٹر ملہوترا نے کہا کہ آج پہلی بار لال قلعے کی فصیل سے جب ‘وندے ماترم’ گیت گونجا تو ہر ہندوستانی کا دل فخر سے بھر گیا۔ انہوں نے کہا کہ وزیر اعظم نریندر مودی نے لال قلعے سے گزشتہ 12 سالوں میں ملک کی ترقی کی کامیابیوں پر بات چیت کرنے کے ساتھ ہی خواتین کے ریزرویشن، نوجوانوں کو تعلیم نیز روزگار دینے تک پر گفتگو کی جس کا پورے ملک نے خیرمقدم کیا ہے۔
انہوں نے کہا کہ مسٹر مودی کی اپیل کے مطابق بی جے پی کے تمام نوجوان کارکن مردم شماری کے کام میں اپنے خاندان سے لے کر سماج تک میں مناسب مردم شماری فارم بھروانے کا کام کریں گے۔