سرینگر/۱۵ ؍اگست
محکمہ اطلاعات و تعلقاتِ عامہ (ڈی آئی پی آر) نے آج یہاں ڈی آئی پی آر میڈیا کمپلیکس میں۸۰ واں یومِ آزادی حب الوطنی کے جوش و جذبے اور جوش و خروش کے ساتھ منایا۔
تقریبات کی قیادت ڈائریکٹر اطلاعات شریا سنگھل نے کی، جنہوں نے قومی پرچم لہرایا۔
اس موقع پر ڈائریکٹر اطلاعات نے۸۰ ویں یومِ آزادی پر تمام افسران اور اہلکاروں کو دلی مبارکباد پیش کی۔ انہوں نے اس دن کی اہمیت کو اجاگر کرتے ہوئے آزادی کے مجاہدین کی قربانیوں کو یاد کیا اور اتحاد، جمہوریت، سالمیت اور قومی خدمت کی ان اقدار پر روشنی ڈالی جو آج بھی قوم کی رہنمائی کررہی ہیں۔
اس موقع پر جوائنٹ ڈائریکٹر اطلاعات (ہیڈکوارٹرز) ڈاکٹر ظہور احمد رائنا، ڈپٹی ڈائریکٹر اطلاعات (پی آر/اے وی) جاوید احمد راتھر اور ڈی آئی پی آر کے دیگر افسران و اہلکار بھی موجود تھے۔
۔۔۔۔۔۔۔
(ڈی آئی پی آر)
