سرینگر؍ ۷ جولائی
بری فوج کے سربراہ جنرل دھیرج سیٹھ نے پیر کو راج بھون (لوک بھون) میں جموں و کشمیر کے لیفٹیننٹ گورنر منوج سنہا سے ملاقات کی۔
ملاقات کے دوران لیفٹیننٹ گورنر اور بری فوج کے سربراہ نے جموں و کشمیر کی موجودہ سیکورٹی صورتحال کا تفصیلی جائزہ لیا اور خطے میں امن و امان سے متعلق مختلف امور پر تبادلۂ خیال کیا۔
اس موقع پر چنار کور کے جنرل آفیسر کمانڈنگ (جی او سی) لیفٹیننٹ جنرل بلبیر سنگھ بھی بری فوج کے سربراہ کے ہمراہ موجود تھے۔
سرکاری ذرائع کے مطابق ملاقات میں جموں و کشمیر میں موجودہ سیکورٹی منظرنامے، سرحدی علاقوں کی صورتحال، انسدادِ دہشت گردی کارروائیوں اور سیکورٹی سے متعلق دیگر اہم معاملات کا جائزہ لیا گیا۔ اس موقع پر خطے میں امن، استحکام اور سیکورٹی کو مزید مضبوط بنانے کے لیے جاری اقدامات پر بھی گفتگو ہوئی۔
