کھرگے اور راہل نے سالگرہ پر اکھلیش یادو کو مبارکباد دی

کھرگے اور راہل نے سالگرہ پر اکھلیش یادو کو مبارکباد دی
نئی دہلی، یکم جولائی (یو این آئی) کانگریس صدر ملکارجن کھرگے اور لوک سبھا میں اپوزیشن لیڈر راہل گاندھی نے سماجوادی پارٹی کے قومی صدر اور اتر پردیش کے سابق وزیر اعلیٰ اکھلیش یادو کوانکی سالگرہ پر مبارکباد دیتے ہوئے ان کے روشن مستقبل، بہتر صحت اور لمبی عمر کی خواہش کی ہے۔
مسٹر کھرگے نے بدھ کو سوشل میڈیا ایکس پر اپنے تہنیتی پیغام میں کہا، "اتر پردیش کے سابق وزیر اعلیٰ اور سماجوادی پارٹی کے قومی صدر اکھلیش یادو کو سالگرہ کی دلی مبارکباد۔ میں آپ کے روشن مستقبل، بہتر صحت اور طویل عمر کی خواہش کرتا ہوں۔ سماجی انصاف، جامع ترقی اور جمہوریت و آئین کو مضبوط کرنے کی سمت میں ہم مل کر آگے بڑھتے رہیں گے۔”
مسٹر گاندھی نے کہا، "سالگرہ کی بہت بہت مبارکباد اکھلیش یادو جی۔ پی ڈی اے (پسماندہ، دلت اور اقلیت) کی حصہ داری کے ذریعے سماجی انصاف کے عزم کو ہم مل کر پورا کریں گے۔ آپ کی اچھی صحت اور خوشحال زندگی کے لیے نیک خواہشات۔”