دہلی کے پبلک ٹرانسپورٹ کو پوری طرح خواتین کے لیئے سازگار اور عالمی معیار کا بنائیں گے: ریکھا گپتا

نئی دہلی، 19 مئی (یو این آئی) دہلی کی وزیر اعلیٰ ریکھا گپتا نے منگل کو کہا کہ دہلی حکومت اور دہلی ٹرانسپورٹ کارپوریشن (ڈی ٹی سی) کے پرجوش ’پنک سہیلی اسمارٹ کارڈ‘ منصوبے کے تحت اب تک 08 لاکھ سے زیادہ اسمارٹ کارڈ جاری کیے جا چکے ہیں۔
محترمہ گپتا نے آج کہا کہ دہلی حکومت خواتین کی سکیورٹی، سہولت اور خود کفالت کو اولین ترجیح دیتے ہوئے لگاتار کام کر رہی ہے۔ ’پنک سہیلی اسمارٹ کارڈ‘ صرف مفت سفر کی سہولت نہیں ہے، بلکہ یہ خواتین کو باوقار، محفوظ اور ڈیجیٹل طور پر بااختیار سفری تجربہ فراہم کرنے کا ذریعہ بن چکا ہے۔
انہوں نے کہا کہ جب پبلک ٹرانسپورٹ محفوظ، قابل رسائی اور تکنیک پر مبنی ہوتا ہے، تب خواتین کے لیے تعلیم، روزگار اور خود کفالت کے مواقع خود بخود بڑھتے ہیں۔ یہ منصوبہ خواتین کو نہ صرف سہولت دے رہا ہے، بلکہ انہیں خود اعتمادی اور آزادی کا احساس بھی کرا رہا ہے۔ انہوں نے کہا کہ دہلی حکومت کا ہدف راجدھانی کے پبلک ٹرانسپورٹ کے نظام کو پوری طرح خواتین کے لیئے سازگار، اسمارٹ اور عالمی معیار کا بنانا ہے۔ ڈیجیٹل گورننس اور جدید تکنیک کے ذریعے حکومت ٹرانسپورٹ خدمات کو زیادہ شفاف، موثر اور محفوظ بنا رہی ہے۔ یہی ترقی یافتہ اور بااختیار دہلی کی پہچان ہے۔ انہوں نے بتایا کہ پنک کارڈ کو تیزی سے بنانے کے لیے حکومت نے مہم چلا رکھی ہے۔ پوری دہلی کی مختلف رہائشی کالونیوں سے لے کر سرکاری دفاتر میں پنک کارڈ کے لیئے لگاتار کیمپ لگائے جا رہے ہیں۔ ان کیمپوں میں خواتین کا آسانی سے پنک کارڈ بن رہا ہے۔ چونکہ سارا معاملہ آن لائن ہے، اس لیے دہلی کی خواتین کو کارڈ بنانے میں کسی قسم کی پریشانی کا سامنا نہیں کرنا پڑ رہا ہے۔ یہ کیمپ پوری دہلی میں لگاتار لگتے رہیں گے۔
وزیر اعلیٰ نے کہا کہ یہ منصوبہ 5 برس سے زیادہ عمر کی دہلی کی تمام خواتین اور ٹرانسجینڈر رہائشیوں کے لیے دستیاب ہے۔ منصوبے کے ذریعے خواتین کا اقتصادی بوجھ کم ہوا ہے اور سرکاری بسوں میں ان کی شرکت بڑھنے سے سفری ماحول زیادہ محفوظ اور سازگار بنا ہے۔ ماہرین کے مطابق اس سہولت سے خواتین کو ماہانہ تقریباً 1,200 سے 2,400 روپے تک کی بچت ہو رہی ہے، جس سے خاندانوں کی اقتصادی صورتحال کو بھی مضبوطی مل رہی ہے۔ انہوں نے اعتماد ظاہر کیا کہ آنے والے وقت میں اس منصوبے کا دائرہ اور اثر دونوں اور زیادہ بڑھیں گے۔ دہلی حکومت خواتین کے لیے محفوظ، اسمارٹ اور باوقار ٹرانسپورٹ کا نظام دستیاب کرانے کے اپنے عزم کو پوری تندہی کے ساتھ آگے بڑھاتی رہے گی۔
دہلی کے پبلک ٹرانسپورٹ کو پوری طرح خواتین کے لیئے سازگار اور عالمی معیار کا بنائیں گے: ریکھا گپتا
نئی دہلی، 19 مئی (یو این آئی) دہلی کی وزیر اعلیٰ ریکھا گپتا نے منگل کو کہا کہ دہلی حکومت اور دہلی ٹرانسپورٹ کارپوریشن (ڈی ٹی سی) کے پرجوش ’پنک سہیلی اسمارٹ کارڈ‘ منصوبے کے تحت اب تک 08 لاکھ سے زیادہ اسمارٹ کارڈ جاری کیے جا چکے ہیں۔
محترمہ گپتا نے آج کہا کہ دہلی حکومت خواتین کی سکیورٹی، سہولت اور خود کفالت کو اولین ترجیح دیتے ہوئے لگاتار کام کر رہی ہے۔ ’پنک سہیلی اسمارٹ کارڈ‘ صرف مفت سفر کی سہولت نہیں ہے، بلکہ یہ خواتین کو باوقار، محفوظ اور ڈیجیٹل طور پر بااختیار سفری تجربہ فراہم کرنے کا ذریعہ بن چکا ہے۔