صدر جمہوریہ دروپدی مرمو کی اہل وطن کو بدھ پورنیما کے موقع پر مبارکباد

نئی دہلی، 30 اپریل (یو این آئی) صدر جمہوریہ دروپدی مرمو نے بدھ پورنیما کے موقع پر اہل وطن کو مبارکباد پیش کی ہے۔
صدر جمہوریہ کے سکرٹریٹ نے جمعرات کو بتایا کہ صدر نے اپنے پیغام میں کہا ہے:”بدھ پورنیما کے مبارک موقع پر میں تمام اہل وطن اور پوری دنیا میں بھگوان بدھ کے پیروکاروں کو دلی مبارکباد اور نیک خواہشات پیش کرتی ہوں۔ اسی مقدس دن بھگوان بدھ کی پیدائش، گیان پراپتی اور مہاپری نروان جیسے عہد ساز واقعات رونما ہوئے۔ ان کے ذریعے دیے گئے ہمدردی، عدم تشدد، امن اور علم کے لازوال پیغامات ہمیشہ پوری انسانیت کی رہنمائی کرتے رہیں گے۔ آج کے دور میں، جب دنیا متعدد چیلنجوں کا سامنا کر رہی ہے، بھگوان بدھ کے افکار ہمیں امن، رواداری اور باہمی ہم آہنگی کی سمت میں چلنے کی ترغیب دیتے ہیں۔”
محترمہ مرمو نے مزید کہا: "آئیے، اس مبارک موقع پر ہم ان کے نظریات کو اپنانے کا عہد کریں اور ایک پرامن، شمولیت پرمبنی اور انصاف پسند معاشرے کی تعمیر میں اپنا تعاون پیش کریں۔”